Ayush MZP Inter HS Quiz a hmawr bawk; St Pauls HSS ropui ber

Aizawl | November 29, 2019: Mizo Zirlai Pawl (MZP) leh National AYUSH Mission, Directorate of AYUSH, Gov't of Mizoram ṭangkawpin a buatsaih AYUSH MZP Inter High School Quiz, 201 25-28 November chhung a neih chu a hmawr bawk a ni ta a, St. Pauls Hr. Sec. School (Monfort Hills, Tlangnuam) in point 145 hmu in an champion.

 


FINAL RESULT
⚖St. Pauls Hr. Sec. School (Monfort Hills, Tlangnuam) - 145
⚖Kids Care School (Ramhlun South, Aizawl)- 120
⚖Mt. Carmel School (Chaltlang, Aizawl) - 105

He huna khuallian Health minister Dr R Lalthangliana chuan, MZP in Zofate insuihkhawmna ngaipawimawh a ZOFEST a buatsaih thin chu ropui a tih thu sawiin, 2020 a buatsaih leh tum a ni pawh tha a tih thu a sawi a. ZIrlaite hmakhua ngaia High School Quiz buatsaih a nj chu tha a tih thu leh hun dangah chuan hei aia zau leh changtlung zawka buatsaih ni thei se a duh thu a sawi bawk.

Khuallian chuan sawi chhunzawmin, Mizoram thalai suattu HIV\AIDS lakah fimkhur tura hmalak a pawimawh thu leh Health deptt in Kohhran, Khawtlang leh NGO te thawhpuiah a sawm tawh thu sawiin, he natna hi a siruk laa kan beihho a tul thu a sawi bawk.




Ayush leh Mizo Zirlai Pawl (MZP) ṭangkawpin an buatsaih Inter High School Quiz 2019 hi November 25 atang khan Ignite Studio, Aizawl-ah ṭan a ni a.



Ayush MZP Quiz 2019 hi co - Sponsor chu Mizoram Tourism Deptt niin, he Quiz ah hian School sawm pahnih(12);  Royal Standard School, Mount Carmel School, Govt. Mizo HS, Springfield Hr. Sec. School,  Living Water School, Neuhof English Medium School, Kids Care School, St.Pauls Hr.Sec School, St. Joseph Hr. Sec. School, Brighter HSS, Aizawl te bakah Sihphir Venghlun H/S, leh Adventist English School, Lunglei,  te an tel a ni.































Post a Comment

0 Comments