— Lalthlamuana Ralte
Asst. Professor PUC
1. YMA General Conference 2019 chu Tuichangral khawpui North Vanlaiphaiah nghah a ni a. He khua hi tunhma chuan Chhura Vanlaiphai tih thin a ni a, khaw hlun tak mai, British hun lai pawha khaw pawimawh tling phak, an sipai hmunpui, damdawi in leh Bangla awmna a ni a. Indopui pahnihna lai pawh khan Japan sipaiten hmun pawimawh tak niin an ngai a, indo thlawhna hmangin bomb an thlak chiam a. Chumi tuma an bomb sulhnu chu damdawi inah leh hmun dangah pawh hmuh tur a la awm nual.
2. N.Vanlaiphai ah hian ni 18.3.1940 (Thawhtanni) YLA (YMA) din a ni a, Pu C.Z.Huala, Sub-Inspector of Schools in a hawng nghe nghe. Aizawl pawn lam atanga CYMA zawm hmasa zinga mi a ni bawk a. Kum 1935 ah Aizawlah YLA/YMA din a ni a, hmun hrang hrangah a lo din tak avangin ram pum huapa khaikhawmtu tur Central YMA hi October 1940 ah din a ni a. 1940 December thla hian khawpui chhung leh thingtlang khaw thenkhatin zawmna fee an pe nghal a. Chumi dawtah chuan January 1941 ah Vanlaiphai, Kulikawn, Mission Veng leh Sihphir ten an zawm a ni.
3. Vanlaiphai chhehvelah hian pi pute sulhnu hmuh tur a tam hle a - Chhura leh Nahaia te, Liandova te unau leh Lersia te lo chet tlatna hmun a nih avangin an hming chawi zui ta hmunhma pawh a awm nual a. Pasaltha hmingthangte sulhnu te, thlangtla hmasa Khawngho hmun hlui te a awm a. Jerusalem velah tlangte a awm ang deuhin Vanlaiphai hi tlangin a hual vel a, chung zingah chuan Hrangtur tlang te, Purun tlangte, Kelkhum tlangte hi Mizoram a tlang sang zinga tel phak a ni hlawm. Mizoram deng chhuak inchai chak Pu Vanlalkulha te, an hun laia inbuan chak hmingthang Pu Sena te, Pu Rohnuna te, Pu Neihthanga te khua a ni leh zel bawk. Kan rama khaw pawimawh tak tlawhna remchang tak a ni leh zel dawn a nih chu.
4. Mizote hian phul kan lawm hle a, Phul lem thlengin kan ngaina...Aizawla atanga Hmuifang/Lallianvunga hmun, Sialsuk hmunchung tlang leh Lungleng a mi an kal fo chhan hi phul mawi taka khawsak vel an chak vang a ni ber. N. Vanlaiphai nawmna leh a chhehvel ram timawitu chu phulleng a tam hi a ni. A hmun a zotlang sang a, boruak pawh a thiang leh zel bawk. Leilet buh hmun hring dup leh a chhehvel phul pharh mawi tak te hi Tuichang thlang lama awmte tan hi chuan pan vang vang tham a ni ve hrim hrim ania. conference boruaka cheng lem lo, hun awla hawi thawn chak leh Nun tihhahdam duh hrim hrim pawh puanthuah tel sawk sawk a Vanlaiphai pan a fuh ang. Khawpui chep taka mahni buai buaia buai thinte tan hian han hawi thawven zawk a, zalen tak han len vel te hi a tha ania.. Programme-in a zir a, security lamin an remtih chuan khaw chhehvel fan kualna hun pawh a awm maithei e.
Thu tesep dangte:—
A. Zaipawl emaw group emaw malzai emaw a music video siam tum tan hun remchang a ni. Khaw chhehvel phulleng a mawi lai tak ania: leilet (leileh kan ti kan khuaah chuan) buh hmun, a kam phul hring dup mai leh a dep ngaw dur inchawih mawi tak te hi khawi lam hawi zawng pawhin a mawi vel vek dawn a. Music video siam tum mek tan hun remchang bawh pelh phal chi a ni lo ang.
AW. Thlalak ngaina tan kumin conference hi kal loh phal chi a ni lo. Camera nei tha leh drone neite khan duh tawka thlalak tur a awm dawn, memory card pai nual rawh u. Aizawl lam atanga kalte chu in inrinlawk hmain leilet inpharh leh a kam phulleng hring dup maiah in lo chhuak thut dawn a. Boruak a dang zar anga, Zo tlang sang boruak in tem chawpchilh nghal anga, Camera a rim nghal dawn. Chuvangin, tunah khan i phone memory kha check lawk la, paih thawl la, memory card pai belh pawh a fuh ang.
B. DP/Propic thar tur, wall paper tur duh tawka thlalak tur a awm ang. Mizote hian phul kan lawm viau a, Aizawl atanga hmuh phak phul te aiin a danglam dawn a... ram thla (scenery) la thiam deuh tan chuan mahni in a tar tur leh poster tur thlengin lak tur a awm ang. Mahse, khaw pawn lama teihawi tam loh hram tum a tha ang.
CH. A khaw tui tlan hi Hrangturzo atanga lo luang chhuak a ni a, tihthianghlimna bawlhlo pawlh loh pawha intlak Zotui thiang dik tak, tui em em a ni a, science lam zawnga sawi chuan soft water a nih avangin inbual, insil leh insukin sahbawn phuan buah lo mahse a nal rei thung.
D. Nomophobia (Phone hman theih loh hlauhna) nei emaw nei lo emaw pawhin zin chhuahnaa phone hman theih loh hi kan hlau tlang viau...tuna a lan dan chuan Vanlaiphaiah hian BSNL, Airtel leh Jio a hman theih vek a. Mahse, duh ang tawka (internet) chak erawh a ni lo ang, chubakah hmangtu tam chuan a chak lo viau thei bawk a.
E. Boruak nawm lai tak a ni a, thlasik vanglai a vur tlak thinna ram a ni a, Tuirial thlang lam ai chuan a vawt tawh ngei ang. Khaw chin a hruat loh bawk nen thawmhnaw lum ken tel a pawi lo ang.
F. Khuangchawi thla hleinga zan tuk atangin khawmpui hi tan tur a ni a. Arkai den zan ni lo chiah mahse khua a thiang a nih chuan thla a eng mawi dawn khawp mai. Thla en lawm tan chuan a hlu khawp ang, a bikin khawpui mite phei chuan thla eng mawi ber hmuh inbeisei a sual lo ang.
G. Zu leh ruihtheih thil dang tel lo a Conference hmang turin a thlengtu lam an inbuatsaih a. Palaiten hei ngaih pawimawh ni se. Rukruk awm ngai lohna, suahsualna leh pawikhawihna lian tham a thlen ngai meuh lohna a ni a. Palai leh khaw mipuite pawhin Zonunmawi vawn nun zel tum tlang ang aw..
N Vanlaiphai thlalak dang
Asst. Professor PUC
1. YMA General Conference 2019 chu Tuichangral khawpui North Vanlaiphaiah nghah a ni a. He khua hi tunhma chuan Chhura Vanlaiphai tih thin a ni a, khaw hlun tak mai, British hun lai pawha khaw pawimawh tling phak, an sipai hmunpui, damdawi in leh Bangla awmna a ni a. Indopui pahnihna lai pawh khan Japan sipaiten hmun pawimawh tak niin an ngai a, indo thlawhna hmangin bomb an thlak chiam a. Chumi tuma an bomb sulhnu chu damdawi inah leh hmun dangah pawh hmuh tur a la awm nual.
3. Vanlaiphai chhehvelah hian pi pute sulhnu hmuh tur a tam hle a - Chhura leh Nahaia te, Liandova te unau leh Lersia te lo chet tlatna hmun a nih avangin an hming chawi zui ta hmunhma pawh a awm nual a. Pasaltha hmingthangte sulhnu te, thlangtla hmasa Khawngho hmun hlui te a awm a. Jerusalem velah tlangte a awm ang deuhin Vanlaiphai hi tlangin a hual vel a, chung zingah chuan Hrangtur tlang te, Purun tlangte, Kelkhum tlangte hi Mizoram a tlang sang zinga tel phak a ni hlawm. Mizoram deng chhuak inchai chak Pu Vanlalkulha te, an hun laia inbuan chak hmingthang Pu Sena te, Pu Rohnuna te, Pu Neihthanga te khua a ni leh zel bawk. Kan rama khaw pawimawh tak tlawhna remchang tak a ni leh zel dawn a nih chu.
4. Mizote hian phul kan lawm hle a, Phul lem thlengin kan ngaina...Aizawla atanga Hmuifang/Lallianvunga hmun, Sialsuk hmunchung tlang leh Lungleng a mi an kal fo chhan hi phul mawi taka khawsak vel an chak vang a ni ber. N. Vanlaiphai nawmna leh a chhehvel ram timawitu chu phulleng a tam hi a ni. A hmun a zotlang sang a, boruak pawh a thiang leh zel bawk. Leilet buh hmun hring dup leh a chhehvel phul pharh mawi tak te hi Tuichang thlang lama awmte tan hi chuan pan vang vang tham a ni ve hrim hrim ania. conference boruaka cheng lem lo, hun awla hawi thawn chak leh Nun tihhahdam duh hrim hrim pawh puanthuah tel sawk sawk a Vanlaiphai pan a fuh ang. Khawpui chep taka mahni buai buaia buai thinte tan hian han hawi thawven zawk a, zalen tak han len vel te hi a tha ania.. Programme-in a zir a, security lamin an remtih chuan khaw chhehvel fan kualna hun pawh a awm maithei e.
Thu tesep dangte:—
A. Zaipawl emaw group emaw malzai emaw a music video siam tum tan hun remchang a ni. Khaw chhehvel phulleng a mawi lai tak ania: leilet (leileh kan ti kan khuaah chuan) buh hmun, a kam phul hring dup mai leh a dep ngaw dur inchawih mawi tak te hi khawi lam hawi zawng pawhin a mawi vel vek dawn a. Music video siam tum mek tan hun remchang bawh pelh phal chi a ni lo ang.
AW. Thlalak ngaina tan kumin conference hi kal loh phal chi a ni lo. Camera nei tha leh drone neite khan duh tawka thlalak tur a awm dawn, memory card pai nual rawh u. Aizawl lam atanga kalte chu in inrinlawk hmain leilet inpharh leh a kam phulleng hring dup maiah in lo chhuak thut dawn a. Boruak a dang zar anga, Zo tlang sang boruak in tem chawpchilh nghal anga, Camera a rim nghal dawn. Chuvangin, tunah khan i phone memory kha check lawk la, paih thawl la, memory card pai belh pawh a fuh ang.
B. DP/Propic thar tur, wall paper tur duh tawka thlalak tur a awm ang. Mizote hian phul kan lawm viau a, Aizawl atanga hmuh phak phul te aiin a danglam dawn a... ram thla (scenery) la thiam deuh tan chuan mahni in a tar tur leh poster tur thlengin lak tur a awm ang. Mahse, khaw pawn lama teihawi tam loh hram tum a tha ang.
CH. A khaw tui tlan hi Hrangturzo atanga lo luang chhuak a ni a, tihthianghlimna bawlhlo pawlh loh pawha intlak Zotui thiang dik tak, tui em em a ni a, science lam zawnga sawi chuan soft water a nih avangin inbual, insil leh insukin sahbawn phuan buah lo mahse a nal rei thung.
D. Nomophobia (Phone hman theih loh hlauhna) nei emaw nei lo emaw pawhin zin chhuahnaa phone hman theih loh hi kan hlau tlang viau...tuna a lan dan chuan Vanlaiphaiah hian BSNL, Airtel leh Jio a hman theih vek a. Mahse, duh ang tawka (internet) chak erawh a ni lo ang, chubakah hmangtu tam chuan a chak lo viau thei bawk a.
E. Boruak nawm lai tak a ni a, thlasik vanglai a vur tlak thinna ram a ni a, Tuirial thlang lam ai chuan a vawt tawh ngei ang. Khaw chin a hruat loh bawk nen thawmhnaw lum ken tel a pawi lo ang.
F. Khuangchawi thla hleinga zan tuk atangin khawmpui hi tan tur a ni a. Arkai den zan ni lo chiah mahse khua a thiang a nih chuan thla a eng mawi dawn khawp mai. Thla en lawm tan chuan a hlu khawp ang, a bikin khawpui mite phei chuan thla eng mawi ber hmuh inbeisei a sual lo ang.
G. Zu leh ruihtheih thil dang tel lo a Conference hmang turin a thlengtu lam an inbuatsaih a. Palaiten hei ngaih pawimawh ni se. Rukruk awm ngai lohna, suahsualna leh pawikhawihna lian tham a thlen ngai meuh lohna a ni a. Palai leh khaw mipuite pawhin Zonunmawi vawn nun zel tum tlang ang aw..
N Vanlaiphai thlalak dang
Post a Comment
He post chungchanga i ngaihdan lo sawi ve rawh: