World Sight Day hmang; Eye Screening Camp buatsaih

Aizawl | October 11, 2019: World Sight Day pualin vawiin khan National Programme for Control of Blindness & Visual Impairment chuan Reiek PHC ah Eye Screening Camp an buatsaih.

He Eye Screening Camp hi Reiek PHC ah zing kar atanga neih tan niin mit doctor 2 leh Opthalmic Assistant 6 ten damlo an en a. Damlo te hnenah hian a thlawnin damdawi engemaw zat sem nghal a ni bawk.

Eye Screening Camp neih zawh a nih hnu hian CMO Aizawl East leh Aizawl West bultumin Zokhua Convention Hall-ah World Sight Day pual inkhawm buatsaih chu hman zui nghal a ni a. He hun hi Dr. F.Lallianhlira, Principal Director, HFW in Khuallian niin hun a hmanpui.

He WSD pual inkhawm hi Dr. C.Lalzepuii, Joint Director (Planning) in a kaihruai a. Dr. Lalremmawii, State Programme Officer, NPCB in NPCB programme hrang hrangte tarlanna powerpoint presentation a pe a. Dr. Lalparliani CMO, Aizawl East in hriselna kawnga hmasawnna tur kawng hrang hrang a tarlang bawk. Kumin World Sight Day hi vawi 20-na niin Thupui atan Vision First tih hman a ni.



He huna thusawitu Chief Guest Dr. F.Lallianhlira chuan kalkhawmte hnenah mit pawimawhna leh kan enkawl uluk a ngaihzia te a sawi a. Nun dan hrisel (Healthy Lifestyle) ngai pawimawh a, chin tha lo leh tihdan phung tha lo te thlak a kan mit himna leh hriselna kan ngaih pawimawh a tul tak zet a ni a ti a. Thawktute pawh theihtawp chhuaha kal zel turin a fuih bawk.

Dr. Lalremmawii, SPO, NPCB report in a tarlan danin India ram pumah hian National Survey of India in a zirchiannaah chuan India ram pumah hian mitdel hi .08% (point zero eight) awm anga chhut a ni a. Mizoramah pawh hian survey chiang taka neih la ni lo mahse mitdel leh mit ?hat lohna nei hi kan tam hle bawk.

Nikum 2019 chhung khan NPCB & VI hmalakna in Mizoram chhungah hian Cataract(mit naute paw) hmuh chhuah 3800 an awm a. School naupang mit tha lo tan a thlawnin tarmit 2599 sem a ni. Tin, Upa mit tha lote hnenah tarmit 3712 sem a ni bawk. Hengte bakah hian nikum 2019 chhung khan mit pe te hnen atangin mit 105 lai lak a ni a. Kumin 2019 chhung hian mit donate-tu mi 30 hnen a?angin mit lak a ni tawh bawk.

Vawiina mit entir zawng zawng hi mi 200 bawr vel lai niin, heng zingah hian mit naute paw (cataract) 20 vel bawr  hmuh chhuah an ni a. Heng mit naute paw nei zinga a tam zawkte hi zai ngai chi an nih avangin Civil Hospital Aizawl-ah refer nghal zel an ni. Heng bakah hian mit lama harsatna chi hrang hrang nei hmuhchhuah an awm nual a, a tul dan anga tarmit chawh nghal an ni bawk.

Vawiina WSD programme hi Dr. Lalduhawma, CMO Aizawl West-in lawmthu sawia hun hnung a khar hnuah chawhlui buatsaihte kilho nghal a ni.
- DIPR

Post a Comment

0 Comments