Phek 50 chehthlak hnua tlangzarh lehkhabu '2' hlutna a zual

Aizawl | September 20, 2019: Zoram Khawvela ziakmite thil tawna a vawikhatna atan Zirsangkima lehkhabu pahnihna '2' tih chu kum 2015 khan print zawh a ni a,  a kara phek 50 chehthlak tir a  nih hnuah vawiin khan tlangzarh a zawrh chhuah tan a  ni.

Zirsangkima lehkhabu '2' hi vawiin khan Mizo Guitarist hriat hlawh Boom-a'n a tlangzarh a, a zawrh hna hi Green Rocket TV in an mawh a ni. '2' hian thalai ngaihven leh ngaihhlut a hlawh a, vawiin khan copy za chuang an hralh nghal.

He lehkhabu Zirsangkima ziah '2' hi thawnthu tawi dahkhawmna a ni a, thuziek pakua Amnesia, CK, The Deal, Vawi Hnih Chiah, Ka Pi Krismas, Thilpek Hlu Ber, I Saw Her Today Again, Relfel leh Hmanlai Kan pan lai tih te a awm a. A lehkhabu hi phek 208 a ni a, chhuah a  nih meuh erawh chuan phek 50 awh 'Relfel' chehthlak tir a ni a, phek 50 in kiam ta tihna a ni. 

2 cover a thlalak hi Awma Vanchhawng lak niin, Modelte hi EsCee Ralte leh Chuaua te an ni a, Cover Design hi Clayton M Dolien in a khawih thung.

He lehkhabu hi kum 2015 July thla khan chhut zawh a ni a, a thawnthu a ziah laia remti si khan tlangzarh mai tur buatsaih a nih hnu-ah he lehkhabua chuang ve 'Relfel' vang hian thubuai thehluh a ni a, an inrem hnuah a bu a tel ve, "Relfel' chu paih tura tih a ni a, inremna chu zawmin phek 50 awh 'Relfel' chu chehthlak a ni a, kum 3 hnu-ah Mizo thalai zawngzawngte tan tia a lo hlan chu a hlan Mizo thalaiten a hmel an hmu thei ta chauh a ni.

Phek 50 chehthlak a ni

He thil thleng hian thalaite beng a verh a, hemi vang hrim hrima leisak tum an thahnem hle a, lei a phu nia hria an tam hle a ni.

 ***Website a fakna hi lo click ve keuh rawh le.***

Mi '2' chanchin mi pakhatin a ziah hi mi tlemtein an chhiar a thiang lova, copy tlemte chauh awmah hian i tana an la dah fan hi a chang lo bik i ni ang tih a hlauhawm. '2' Lehkhabu hi lehkhabu dawrah te dah a ni dawn lova Green Rocket WhatsApp leh Zirsangkima WhatsApp ah te hian zawh a, order theih a ni.

Mahni chhiar atana a tha a, thiante pek atan a tha bawk a, Ngaihzawngte pek a tan hlei hlei hian  mi pahnih kara hmangaihna thawnthu ziah chhuahna hi duhthusam a ni.

Zira hian '2' hma hian Ramada 19 a lo ziak tawh a ni.