PZP JT. HQRS : AIZAWL FRESHERS' SOCIAL cum FELICITATION

Aizawl | September 14, 2019 : Pang Zirlai Pawl, Joint Headquarters : Aizawl chuan Freshers' Social cum Felicitation Programme chu Aizawl Central Hall, Venghlui-ah an hmang a. He hun hi Pu Lalrinliana Sailo, Speaker, Mizoram Legislative Assembly chuan khuallian niin a hmanpui a. Pu John Lalpeka Proprietor 3:16 Plan Solution chuan Khual Zahawm niin a hmanpui bawk. He hun hi Golden K. Lalnunhlima Vice President chuan a kaihhruai a, Rev Ramsangvawra Sande School GS UPC of Mizoram  chuan hunserh a hmang a. Ishmael Lalthanhawla Fin. Secretary in inlawmna thu sawiin Albin C. Lalhruaitluanga Secretary in inhmelhriattirna hun a nei bawk a ni.

Centenary C. Lalzahawma President Pang Zirlai Pawl, Joint Headquarters : Aizawl chuan thusawiin Zirlai kalkhâwmte hei aia nasa a an hnam tâna bei tur leh an hnam Culture te chawisâng zêl turin kalkhâwmte a chah a. Engkimah Siamtu Pathian hria a lungrualna nêna hma lam pan turin kalkhâwmte a chah bawk.

Khuallian Pu Lalrinliana Sailo, Speaker chuan thusawiin, Pang hnam te hi Mizoram lo chuangkai hmasa te inni a ti a. Mizoram hi a neitu te in ni a ti bawk.

Khuallian chuan sawi chhunzawmin Pang Zirlaite chu Pang hnam nghahfak ni a, tum a chiang tur leh kan ram leh hnam tân theihtâwp chhuaha huaisen taka Pang hnam tân beih turin leh in hnam chindân te zahpui lo turin huaisen taka Pang hnam tan beih turin kalkhâwm te a chah bawk.

Khual zahawm Pu John Lalpeka chuan thusawiin, Pang hnam hi Mizo hnam peng pakhat a ni a. Mizoram tan in tê lo a, Pang hnam hi hnam fing leh hnam a chiang lo ni zêl turin a chah a. Social Media hmang thiam tur leh a ṭangkai thei ang ber a hmang turin a chah a. Ṭhalaite hnathawh hreh lo tur thu te sawiin engkimah tum chuan kawng a awm thu a sawi bawk.

Herbert Ramengmawia President Pang Zirlai Pawl, General Headquarters : Vaṭhuampui pawn thusawina a nei a, PZP chu tlawmngai Pawl ang kan ni, dam lo leh mithi kan neihin kan inbuaipui thin a, PZP chu Pangfa harsatna puih theih kan nih chhûng chuan theihtâwp a chhuah zêl tur thu a sawi bawk a. Pangfa te hi kan sawrkar in min duhsak na tam taka lawmthu a sawi a. Kan hma lam zêla Pangfate dikna leh kan phut hi chu kan sawrkar pawh hian min pe zel se a duhthu a sawi bawk.

Sawi chhunzawmin Siamtu'n hnamah min din a, kan chindan phungte, kan dress te hi a ral kan phal lo a, engtikah mah kan phal ngai dawn lo a ni  a ti bawk a. Kan sawrkar hrawn mêk pawn hma min laksak zêl turin a sawm bawk.

He hunah hian Pu B. Vanlaltana Vice President  MZP General Headquarters leh Lalramhluna Fanai Fin. Secretary MSU General Headquarters te leh Joint Hnampual Vice Chairman Pu Sanghmingthanga pawn thusawina a nei bawk.

He hun hi Aizawla zirlai lo awm tharte, zirlai tiṭha HSLC, HSSLC, BA, B.Com, B.Th, MA leh PZP hruaitu hlun leh PZP tâna mi ṭhahnemngai tak takte hnênah chawimawina thuziak hlan an ni bawk.