Aizawl | September 25, 2019: BJP Mizoram Pradesh chuan tukin khan Pandit Deendayal Upadhyaya Piancham lawmna pualin kan hnam pasaltha Vanapa lim ah leh Mahatma Gandhi lim ah zahna pangpar Prof JV Hluna BJP Mizoram President in a hlan.
Prof JV Hluna chuan, Pandit Deedayal Upadhyaya piancham lawmna pual hian Mizo hnam pasalṭha te zinga mi Vanapa chu chawimawina leh zahna pangpar kan hlan a, Vanapa hi a khua leh tui te thlamuantu leh an harsatna ah pawh puitu ani thin a, chutiang ni tur chuan Mizo te hian he ni hi intuaithar na atan leh midang tana inpekna ni ah i hmang ang u, a ti.
Prof JV Hluna chuan, tunkar Thawhṭanni a Hnam Run inkhawm a Pu Vanlalzawma MNF Treasurer in Pu Zoramthanga Chief Minister thusawi a sawi anga a tih, tunhnaia zirtirtu MR lak thar mi 881 chungchang a ennawn leh tur a hmalak an tum chu Party bil induhsak tumna anih a hlauhawm avangin hetiang thil hi tih ni lo se, Education Minister rinlohna leh dikna hnualsuatna ah keini BJP Mizoram chuan kan ngai a ni. Congress Sorkar laia Education Minister Pu Lalsawta'n Hindi zirtirtu lakfel tawh khatih, laia Chief Minister Pu Lalthanhawla'n-a Serchhip a a zin pah a a rawn Cancel sak ang mai a nih kha a hlauhawm hle a, ram leh hnam tan a ṭha tur ah chuan Party mi leh sa te vuivaina avanga thil tih tawh sut leh mai chu tun Sorkar hi chuan ti tawh lo hram se tih hi BJP Mizoram chuan kan duh dan a ni.
Mizoram hmalam hun thlir chungin kawng engkim ah pawh a ṭul anih chuan Mizoram tan Party bil induhsakna te theihnghilh ngam in huaisen tak a Mizo mipui tana hmalam pan zel tur in tun MNF ministry hi kan ngen a, Mizoram leh hnam tan a thil ṭha tur ah chuan theihtawp chhuahin kan thlawp zel dawn ani, a ti bawk.
Post a Comment
He post chungchanga i ngaihdan lo sawi ve rawh: