Aizawl | September 10, 2019: Mizo Zirlai Pawl (MZP) chuan vawiin khan MZP Conference Hall, Aizawl ah MZP rorelna sang ber dawttu Federal Council Sitting vawi 52-na ṭhutkhawm an nei.
He hun hi MZP vice president B Vanlaltana'n kaihruaiin, rorel palai 145 kalkhawmin ro an rel a, House Leader MZP president L Ramdinliana Renthlei chuan palai lawmthu thuchah a sawi.
Heng ahnuaia mite hi Kum 2019 MZP Assembly Agenda atan pawm a ni :
1. Kum 2020 chhung hian Zo Hnam Inkhawmpuilian ZOFEST neih leh ni rawh se.
2. Mizoram leh Assam ramri chin fel a nih theih nana MZP in hma a lak mek hi chak leh zuala hmalak chhunzawm ni rawh se.
3. All India Service/Central Service hrang hrangah Mizo thalai tam zawk kan luh theih nan MZP in hma la rawh se.
4. ILP hi khauh zawka kalpui a nih theih nan hma lak ni rawh se.
Heng an thu pawmte hi MZP Assembly 2019 ah la rel tur a ni a, a tlang chuan 2019 a MZP hmalakna turte a ni ang.
Kumin hi MZP hruaitu thlan kum a ni a, Hruaitu thlan bakah hian a chunga agenda te hi an rel bawk ang.
Post a Comment
He post chungchanga i ngaihdan lo sawi ve rawh: