Aizawl | September 27, 2019: Times Group chuan Kum 2019 atan Miss India Universe thlanna neihloh mai nise ti a anlo rel chu kaltlang puiin nizan khan Miss Universe a India aiawh tu tur ruatna an nei a, hetah hian pageant Expert te rinlawk leh beisei lawk ang ngeiin Uttar Pradesh nula Vartika Singh chu Miss India Universe 2019 nihna hlan a ni.
Times Group hian Miss India Universe thlanna hi Femina Miss India atanga indangin kum 2010 atang khan a ahranin a kalpui a. Sushmita Sen chuan kum 3 enkawlin , kum 2013 atang khan Lara Dutta in a enkawl ve thunga, Lara Dutta in Miss India Universe Franchise a enkawl mek hi Miss Diva tih a ni a, winner 6 awm tawhin an winner hmasa 2 ( 2013' 2014) tihloh chu Miss Universe thlanna ah an la Unplaced vek a ni. Hetiang alo nih tak ah chuan Times Group hian tun kum 2019 atan chuan Miss Diva thlanna hi kalpui loh mai nisela, Miss Universe a India aiawh tu tur ruatna hi neih ni ta zawk sela ti in thu avaw thlu ta a. Vartika Singh chu Misa India Universe 2019 atan aruat ta a ni.
Tunge Vartika Singh ???
Vartika Singh hi Uttar Pradesh nula ni in, Beauty pageant experienced nei tawh a ni a. Kum 2014 khan Miss India Universe thlanna ah hian lo tel tawhin Top-7 a inhlangkaia, Kum 2015 ah Femina Miss India ah telin 2nd Runners Up a ni a, Miss Grand International thlanna Thailand a neih ah India aiawhin 2nd Runners Up Title alo hawn thei a ni.
Vartika Singh hi Ft.5'7inches a sang ni in, zirna lamah Master's degree in public Health leh Bachelor's degree in clinical nutrition and dietetics te a ni bawk a ni.
Pageant Expert te chuan Vartika Singh hi Miss Universe material a ni ti in Times Group in Miss India Universe 2019 a ruat dawn a ni tih thawm a awm atangin a hming a ri nasa nghal em em a ni.
Vartika Singh hian Kum 2015 atanga intan Miss Universe a India Unplacement Streak hi a ti tawp thei angem? Ilo thlir phawt mai ang.
- Pageant Expert and Analyst - Moses NG
Post a Comment
He post chungchanga i ngaihdan lo sawi ve rawh: