STORY: KIKI & LESLIE

Kan office chowkider, Raju-a zawhte note ka hawn hian leslie hi thla 1 pawh ala tling lo a, enkawl pawh a hautak teh chiam lo. Hetih lai hian ka ui vulh lai 'kiki' chu a thla 9-na a hmang mek thung.

Tlai ka hnathawk bâng chu; nitina atih thin ang bawkin 'kiki' chuan mei then vat2 chungin min lo lawm leh a, rei erawh ani lo. Ka zawhte hawn a hmuh meuh chuan lawm lo tih hriat takin choka lamah a tlan phei a, dawhkan hnuai ah a tawm/bawk zui ta daih a.

 Kiki chaweina plate bulah chuan bowl-in zawhte nausen chu bawnghnute ka pe ta a. Hetih chhung zawng hian ngaithei lo tih hriat tak leh tih buai chak tak hmelpu-in dawhkan hnuai atang chuan arawn en kar a, a buaithlak chho dawnin ka hria a, hun lo kal deuh se an inkawmngeih theih hram erawh ka beisei....

Kiki hi ka bula tal chawt; ka awmna apianga awm tum thin ani a, duat pawh ka duat a, min kawm hlimtu ber a ni. Mahse, leslie ka lak hnu hian ka bulah a awm tlemin min hlat ta tlat thin a, ka chaw pek a ei duh lova, ka bulah a mu duh tawh hek lo. A Eitur duhzawng ka hnathawk bangin ka hawn sak pawh pakhat mah ei duh lovin hmuah pawh min hmuak duh ta lo bawk. A thikthu leslie lakah chuan ape na ve hle a ni. 

Thla 1 hnu ah chuan zingtina ka lo tih thin; ka chhunzawm peih tak loh, 'morning walk' chu ka ti chho leh tan a. Kiki nen chuan zingtin kan morning walk chu kan tharthawh leh ta a ni. Hetia, kan zingchhuak hi kiki chuan nuam ati thin em em a, a phur surh surh thei khawp mai. Ka lo muttui deuh chang phei chuan a hun takah ka hmui leh beng ah liakin min kai tho  thin a ni. Zan lamah chuan leslie chu inchung lamah a riahna bukte ka siam ah ka muttir daih thin thung. 

Thla 2 a liam leh meuh chuan leslie pawh bawnghnute chauh nilo, chaw tha pangai a ei ta bawk a, a lian ve tawhin a thau mum kâk tawh. Kiki nen erawh la inhleih tak an ni. Ka ran vulh 2, inkhata chengdun nisi chu anla inhnim hnai duh ta chuang lo. A chang chuan ka beidawng lek lek fo thin. 

Inrinni zingkhat chu kan walk hun pelh daih ah ka harh chauh a, kiki mutna ka'n en a, hmuh tur a awm lo. Inchung lamah inphih fai turin ka chho a, tahtak chuan ani ka ranvulh 2 te chunga thilmak ka hmuh tak! Choka-a kan dustbin 2 dah inkara uifawm lian tha zet lo bet chu seh tumin vawikhat pawh la inhnimhnai ngailo kha anlo trang rual chu niin! Ka thawm an hriat ka hlauh avangin ngawi rengin, hmuhnawm ti takin ka dinna atang chuan ka thlir ta reng a. Heihi an inkawm chhohna bul chu ani ta a ni.

An inkawmngeih hnu hian an infiam vel hi an hmuh a nuamin nun anti hlim a, ka bungraw thenkhat erawh chuan a tuar ta deuh. Kiki hian leslie chu a chhaih hmasa ngei ngei a, leslie erawh a umtu ah a trang thung. Pakhat zawk zawk ka pawm chuan pakhatin thikin buaina a chawk chhuak ta thin a, enkawl tawk thiam ngai tak an ni. An 2 a ka bual dawn hian an hre em2 a, bihrukna tur lah an hria. Ka khum hnuai leh tawmna kiltha an hmuh chuan an bawk dun ngei2. Mak tak a ni! 

Vawikhat chu ui lian pakhat hi kan kawtah a rawn kal a, ka ranvulh 2 infiam lai chu rawn tibuaiin leslie nakném laiah tak chuan khuar dawk khawpin alo hapsak anih chu! Hnathawka ka chhuah lai anih avangin min rawn phone nghal a. In ka thlen meuh chuan leslie chu alo chau tawh hle a, rei a dam dawn lo tih alang reng mai. Kiki chu hlauthawng ve tih hriat takin kilkhatah ngui takin alo ngik feih2 bawk a, min enkiau mai bawk. Zanthim hnu reivak loah leslie chuan a thianpa kiki leh kei chu min kalsan ta a ni. Ka room piahah a zan azanin a thlan ka lai a, ka phum ta nghal a, kiki pawh ka bulah bawkin angui em em a, engmah tihzai a rel thei bik lo.

Kha thil thleng kha a hmutute'n an han sawi leh dan chuan; khatia ui lianin leslie a rawn hap thut khan, kiki a  chuan amah aia alet 3 vela lian chu alo bei let ve nghal a, a thianpa 'leslie' hma ah chuan tran khawhin a thianpa chhan tum chuan theihtawpin a trang ve a ni. A beihpui ui chu a lian ém a, kiki pawh chuan a kephah veilam leh a bengah na takin hliam a tuar ve nghe2.

Hei, tunah chuan ka ui ka best 'KIKI' chuan min la dam puia, 'LESLIE' thlan pawh ala tlawh ve fo mai....

- Puipuia