Government Aizawl College Miss 2019 Lalnunsangi hi lo hmnelhriat ve rawh le.
Sangsangi emaw Sangi emaw a koh thin Lalnunsangi hi Lalparkungi leh Fam Lalbiakmawia te fa hmeichhia pathum zinga a tlum ber a ni.
October 22, 1999 khan lo piangin, Bungkawn veng, Aizawl-ah chengin an khawsa a, tunah hian Govt Aizawl College ah BA 3rd semester a zir mek a English subject a core a ni.
***Website a fakna lo hi lo click ve keuh rawh le.***
Sangsangi te hi Mizoram Presbyterian kohhran a lawi an ni.
Pawl 10 leh 12 hi 2016 leh 2018 khan Synod HSS atangin a pass a, Tunah hian Govt Aizawl College ah BA 3rd semester a zir meka English subject a core a ni.
Hobby: Movie en,hla ngaihthlak leh acting te an ni
A duhzawng leh ngainat zawng hrang hrangte?:
Lehkhabu duh: Kawlkil piah lamtluang ziaktu Mafaa Hauhnar
Actor/Actress: Shay Mitchell
Model: Shay Mitchell
Zaithiam: Billie Eilish,Adele,Ed Sheeran,
Chawhmeh: Egpawh ka ei thei vek duh hranpa ka neilo ka duh deuh vek mai
Hla : KHB No.501 'Vanram ngaihtuah hian min tilâwm a'
Hmun: Hlim taka ka nihna ang anga thlamuang taka ka awm theihna hmun
Rawng: Turquoise/Aqua blue
Ziaktu: Mafaa Hauhnar
Mize ngainat zawng: tawng thei ni silo tawng duh, min duhsaktu leh hriatthiamna ngah leh rinawm tak leh fiamthu duh.
***Website a fakna lo hi lo click ve keuh rawh le.***
Mize ngainat loh zawng: Rinawm loh,tawng thei lutuk,rilru nghet lo leh dawheh
Kawppui tura duhzawng?:
- mi fel tak...pathian tih mi zuk leh hmuam ti lo kawng dik zawh thei tura min kaihruai theitu leh innghahna tlak
Relationship status:
Aim in life:Air hostess
College Lady thlanna a tel chhan?
- Kan SU te leh House leader ten min sawma ka thian ten duhsak takin tel turin min tia ka tel ani.
College Lady a I thlen chin? tuna I nihna hi thlen I ring reng em?
- Hetiang lam hi ka ti vak loa ka tel pawh ka inring ngai lo a,tling lo chung2a tel ka nih avangin hetiang hi ka thlen ka inring pha lo hrim hrima kan SU te leh house leader te min duhsakna avang liau2 leh ka vanneih vang liau liau ani a an chungah ka lawm hle a ni.
College Lady in I nuna nghawng a neih??
- Mahni inrintawkna leh Pathiana rinna nghah a pawimawh zia ka zir chhuak
Modelling lam hi I tui em?
- Tui em em hran lo.
College Lady thlan dan tlangpui?
- Kan College ah hian semester zelin house pali ah kan inthena college miss leh mister hi inelna zinga pakhat ani a...tun tumah hian round pali a awma chung te chu introduction round, cultural round, As you like it leh formal round a ni a,a hranpain mi dang hmuh lohah judge te nen pakhat te tein personal interview kan nei bawk a final round atan question and answer round kan nei leh bawk a ni.
***Website a fakna lo hi lo click ve keuh rawh le.***
 |
| Throwback - 2015 |
Zawhna dang:::
1. A tel lova i awm theih loh: Thiante leh Chhungte
2. I nun kaihruaitu: ka nunah hian ka neihchhun ka nu hi kawng dik ka zawh theih nana hah taka min enkawla min zilha min kaihruaitu tha tak a ni.
3. Hringnuna i hlauh ber: ka hmangaihte hmu leh tawh lo tura chan.
4. I tih ngai miah loh tur: mi pawi sawi leh hmuhsit
5. Mizo Tualzal nuna ṭha i tih: Tlawmngaihna
6. Quote i duh ber: You have to go wholeheartedly into anything in order to achieve anything worth having
-Frank Lloyd Wright
7. Mizoram leh Mizo tualzal nuna Mizo hmeichhiate dinhmun:
- Tunlaiah hmeichhiate hi kan changkangin hma kan sawn tawh hle a,hna thawh hreh lah kan nei tawh lo tlangpuia kan mipa tam zawk hi chuan hmeichhiate hi kan zah thiamin kan dah pawimawh thiam hle ka ti a...chutih rualin mi chhaih nawmnah leh zuam taka hmeichhiate la ti thuak2 kan tam hle bawk.Ka vei em em pakhat chu tunlai hmeichhiate hian an hma hun thlir reng chungin fing takin pasal tur kan zawnga miin pasal tha deuh hlek nei dawn se (Gold digger) kan ti nghal mai thina hengah te hian kan mipa te pawn hmeichhiate sawi chhe loin an duhzawng leh pasal tlaka an ngaih ang tura awma tan lak mai hi a fin thlak zawk ka ti hle...
8. Hnam hmingṭhat leh hmingchhiat kawngah Hmeichhiate mawhphurhna:
- hmeichhiate hi kan mualphoin kan hmingchhe hma em ema ho te tea kan ngaih te pawh hi mualpho let derna anih avangin kan incheina thlengin fimkhur kan ngaia kan awm dan mawi lo tak2 te hi hnam dang tamna ram danga kan lehkha zirnaah te leh kan hnathawhnaah te kan chhawm zel thina hei hian hnam dang te lakah zuamna leh ngaihnepna a pek avangin hmeichhiate hian kan nun danah mawhphurhna lian tham tak kan hnam humhalhna leh hmingthatna kan kokiah a innghat tih kan hriat a tha hle
9. Hnam ziarang chawinun kawnga Hmeichhiate mawhphurna:
- Kan hnam ziarang chawi nun kawnga hmeichhiate mawhphurhna chu point hnihin then ila, hetiang in:-
1)Incheina kawngah-Mizo hmeichhiate hi kan mipa te ai mahin hnam inchei dan kan la chawi nungin kan la chhawm nung chho zel a,inkhawm naah te,khawhar inah te leh a tulna apiangah puan kan la bih tlangpuia...hei hian hnam ngaihsanna leh humhalhna a entir tha hle ka ti a...sim loa tih chhunzawm zel hi hmeichhiate mawhphurhna a ni a..tin,kan hnam puan chi hrang hrang te hi suasama duh duh dana thui kual hak loha hak dan leh bih dan tur dik taka tih zel hi hmeichhiate tih tur a ni bawk ani
2)Khawtlang nunah-Khawtlang nuna chhiat ni that ni a hmeichhiate tlawmngaihna leh taimakna te hi hnam dang te hmuh leh hriat atana zahpuiawm loh leh tha tak chhawm nun zel tlak anih avangin hmeichhiate hian heng kawngah te hian hma laka taima taka chhunzawm zel hi kan tih tur dik tak ani bawk a ni.
10. Mizote tan 'Fa neih tlem' inzirtir hi a ṭulin i hria em?:
- Mizo hi kan hnam chim ral mai hlauhthawn awm khawpin kan la tlema fa neih tlem ai mah chuan a theih anga tam neih inzirtir hi a fuh zawkin ka hria
11. Mizo hnam ṭhanmawh bawk nia i hriat?:
- Hemi kawngah hi chuan tam tak sawi tur a awma tlem azawng chauh sawi lang ila...mizo te hi taimakna kan tlachham sawt hlea hlawhtling tur khawpin tih tak takna nun kan nei loa kan taimak tawk lohna hi kan hnam thanmawh bawk niin ka hria a ni
12. Mizo hnam damna atana kawng awm nia i hriatte?
- Kan hnam hi hnam dangin an chim ral mai loh nan kan hnam ziarang humhalh leh zah te,kan tawng humhalh te,zirna kawngah te pawh tunah hian Central service te hi an pension hunah thlaktu kan awm loh chuan hnam dangin min awpin kan hnam hi min chim ral mai ang tih a hlauhawma hemi kawngah te hian thalai te hian tan kan lak a pawimawh ka ti hle
13. Hnam chhan nana Hmeichhiate ṭangkaina leh mawhphurna?
- Ka sawi tawh angin Mizo kan nihna anga kan mawhphurhna hriat leh kan hnam chawi nun nana hmeichhiaten kan tih tur dik tak kan hlen te hi a ni
14. Zirna, Khawtlang leh Kohhran hi?
- Zirna,khawltlang leh kohhran hi mizo ziaah chuan mkal kawp thei vek ani a mahni in adjust thiam dan azir niin ka hria
15. Khawtlang, Kohhran leh nangmah:
- Kohhran leh khawtlangah pawh theih ang tawk tawk chuan ka inhmang ve a,mahse zirlai kan nih chhung chuan zirlai zir hi kan tih tur a nih avangin inhman dan tawk thiam a ngai ka ti a keimahah chuan ka zirna lam tichhe tur khawp chuan ka inhmang loa a hunah zirna tibuai lo tawk velin ka theih ang angin ka inhmang a ni.
16. Social Media leh Nangmah:
- Social media hi ka hmang tangkai hlea tunlaiah chuan thalai te hi a tel loin kan awm theilo ani ber mai...a chhe zawnga hman erawh a pawi a in adjust thiam a pawimawha a tul loa khawih loh te pawh keimah thlengin inzir kan ngai ka ti hle
17. Mizoram ṭhalai tam tak tlakchham:
- taimakna leh tei rei peihna.
18. Mizo ṭhalaite hian ngaihsan tur dik an ngaisangin i hria em?
- hemi kawngah hi chuan a nawlpui chuan kan hre tlang theuh tawhin ka hria...kan ram hmasawnna tur kan ngaipawimawha mi dik leh mi tha pawh kan hre tlang tawh hle chuan ka hria
19. Ngaihsan tur dik nia i hriat:
- mi taima,dikna tan mi leh pathian tih mi,mahni cauh nilo ram hmasawn nana theihtawp chhuaha hma la thei tur mi dik leh mi tha.
20. Hlawhtlinna tura pawimawh:
- Hlawhtling tur chuan taimak leh pathian ring tlat chunga tum mumal leh nghet tak neih a pawimawha chu kan tum chu tihlawhtling ngei thei tura tan laka kan nuna kawng min daltu tam tak te chu paltlanga a tawpa a rah tha tak kan hmuh tur thlir reng chungin huaisen tak leh tumruh taka thil a eng zawnga thlir reng chunga beih fan fan hi a ni
21. hloh i hlauh ber: ka neihchhun ka nu😊
I thalaipuite tan fuihna--
- Mi hlawhtling nih kan duh theuha mahni tawka independent taka awm kan chakin kan tum theuh pawh a ni tih ka hriaa...hlawhtling tur hian lehkha sang tak tak thlenga zir kher a ngai loa mahni phak ang tawka kan theihna leh tuina kawnga kal mai te pawh hi hlawhtlinna vek a ni a chuvangin eng hna pawh hi thawk ila taima taka kan theihtawp chhuaha kan thawh hian eng hna mah hi hmuhsitawm a awm hranpa lo chuvangin ka thalai pui te hnenah hian mi hmuhsit leh sawi chhiat mai mai te hi ti lo ila,midang tel loa kan awm theih loh avangin midang hna te hi zah sakin kan thil tihna kawng theuhah theih tawp chhuaha hlawhtling ngei tura tih tak takna nun nei turin ka chah duh a ni💪🏻
www.exploremizoram.com i hmuh dan:
- A bengvar thlakin a hlawk thlak ka ti a,mizo thalai tan pawh hmasawnna kawng kawhhmuh theitu tha tak a ni in ka hre bawk a,chhunzawm zel tlak ani in ka hriaa in kal zelna turah duhsakna ka hlan nghal bawk che u a ni😊🙏🏻
Admin - Columnist
EXPLOREMIZORAM.COM
_________________
TT Arts, Chanmari Aizawl-ah T Shirt print hrang hrang an ti thei a, Explore Mizoram T Shirt pawh cheng 600 in lei tur a awm bawk e.
TT Arts, Chanmari Aizawl-ah T Shirt print hrang hrang an ti thei a, Explore Mizoram T Shirt pawh cheng 600 in lei tur a awm bawk e.
Call/ WhatsApp +919615332721
(A hnuaia fakna hi lo hmet ve rawh.)
Chhelø hle mai
ReplyDeletePost a Comment
He post chungchanga i ngaihdan lo sawi ve rawh: