Pu Thangliana Savawmin Sawisaa

Aizawl | August 28, 2019: Nimin zingkar khan Pu Thangliana kum 49, Serchhip Darnam Veng chu Serchhip to Thenzawl Road, Mat Lui thlen hma Thuhruk Zau ah a Mautuai khawrh Savawmin a lo bei a. Hliam na tak a tuar.

Pu Thangliana te hi chhungkaw harsa ve tak niin nimin zing khan chawhmeh zawrh tur Mautuai leh Hruizik vel zawngin Thuhruk zau ah hian a kal a. Hetia Mautuai a khawrh lai hi Savawmin a rawn bei ta mai a ni. 

Pu Thanga hian a mit, a hmui, a beng, a dul leh kut ah te hliam a tuar a. Savawm hian a duhtawka a sawisak hnuin a kalsan leh ta mai niin a lang. Kawngpuiah vak thlain lirtheia veivak ten an lo hmu a, an bawihsawm ta a ni. Serchhip damdawiin panpui a ni a. A hliam zualpui enkawl a nih hnuin Falkawn Damdawiin pui nghal a ni.

Pu Thanga hi a nupui leh a fate 2 nen Serchhip Darnam Venga khawsa mek an ni.