Aizawl | August 24, 2019: Northeast Futsal League 2019 chu naktuk, August ni 25 khian khelh tan a ni dawn ta a, Opening ceremony hi tlai dar 3-ah tan a ni ang. Hetah hian India pum huapa band lar tak Alobo Naga and the Band an inlan dawn a, NEFL anthem siamtu Six-String Production, Goa pawh an inlan bawk ang.
He league khel tur Mizoram club Mizo Falcons pawhin Guwahati thleng tawhin training pawh a hmunah a nei tan tawh a ni.
Vawiin August ni 24 tlai khan NELF Official Ball tlangzarhna leh press conference Hotel Atitha-ah neih a ni bawk.
Mizo Falcons hian August ni 26 tlai dar 5-ah Manipur club, Apunba Manipur an hmachhawn ang. A hmuna en duhte tan ticket hi stadium pawnah a lei theih dawn a, online-a lei duhte tan Playnlive.com ah a lei theih bawk ang.
Inkhel zawng zawng hi League media partner LPS10-ah LIVE-in a en theih ang. Tin, Facebook leh YouTube lamah Live Streaming neih a ni bawk ang.
Thil dang hriat belh duhte chuan Mizo Falcons Instagram leh Facebook page lam tlawh mai tur a ni.
Post a Comment
He post chungchanga i ngaihdan lo sawi ve rawh: