NITINA I HMAN THIN GOOGLE CHUNGCHANG HI LO HRE VE TEH

NITINA I HMAN THIN GOOGLE CHUNGCHANG HI LO HRE VE TEH

★Opeey-a Khiangte
-------------------------------------------------------
I Android phone a, applications tamtak ho pawh kha han enla..atam zawk kha chu..Google ho Application siam ani.eg.Gmail,Email,Playstore,Maps,Chrome etc.

Awle..Company thenkhat Khawvel huap thenkhat te zingah Google zet hi chuan internet hmangtute tan thil a tih awlsam phah in remchanna a va han siam nasa tehreng em!

Google hi 1998 a din chauh ni mahse tunah chuan Google hi nasa takin a thang lian tawh a, a lenbelh zel reng bawk a, Tunah chuan Google hi khawvel puma hriat leh hman hlawh ber, company ngelnghet tak a lo ni ta,. Mountain view, California a hmunpui nei, Google hian internet a online 70% aia tam te thil zawn hna chu thawhsakin  Google hi atir chuan search engine tur atan chauhva duan a ni a, Internet services 50 chuang leh e-mail atanga software chi hrang hrang tangkai tak tak te, Mobile phones software leh tablet computers a hman tur software thlengin kum tin hian a huang a zauh belh zel a, a tir atanga search engine tur bik atana duan a nihna hi a hlawhtlinpui ber chu a ni.

Sumdawnna lian leh hrawl pui pui pali zingah heng Microsoft, Apple, IBM te nen hian an hmasawnna lamtluang hi a inhawnbelh zel a tih theih awm e, heti taka thang duang Google hi i han bel chiang deuh teh ang.

Nikhata Google search engine a thil chhutluh 16% te hi chu Google hriat ngai loh thil a ni.

Google ah hian nikhat ah khawvel mi chi hrang hrang  tam takin thil chi hrang hrang kan zawng thin a, Heng kan thil zawn te reng reng hi Google database ah chhinchhiah zel anni a, Thil la awm ngai reng reng lo te pawh zawn fo a ni a, nikhat a mi chi hrang hrangin kan thil zawn 16% te hi chu Google a la dah luh loh thil, thil thar a ni. Google vang hian information chi hrang hrang rang takin kan lo hriat theih phah a, eng pawh zawngin zawt ila Google ah chuan a awm vek a tih theih ve reng a ni.

Kum 1999 laihawl vel a $25 million funding an hmuh atangin nikhatah thumal emaw zawhna a ni emaw 5,00,000 vel nikhatah a process thin a, 2000 chho atang khan search engine lian zawmpui yahoo a neih atangin nasa takin a hnathawh huang a zauh zel a, 2004 a yahoo ah share a neih atang phei chuan search engine lian ber a lo ni chho ta a ni. 20011 ah chuan Nikhatah Google hi tum maktaduai 200 vel zet thil zawn na atan hman a ni ta a, tunah phei chuan tluklehdingawn 3 vel nikhatah zawhna zawh nan leh thil zawn nan a hman a lo ni chho ta.

Type dik loh avanga harsatna awm loh nan Google hian Domains tam tak a nei.

Google hian spelling diklo vanga thil zawnchhuah zung zung a awlsam phah nan te, an browser ah a chak phah zawk na tur leh typing mistake pawh awlsam taka a thliar zung zung theih nan domain chi hrang hrang 4,66,453 lai a nei. Heng domain zingah hian spelling error vanga buaina a awm loh nan gooogle, googel, gogle etc ang chi te hi a nei zel a ni. Typing mistake tlanglawn deuh hi chu Google hian domain ah a hmang deuh zel a ni.

Google hian khawvel pumah data centre 12 a nei mek a, data centre pakhat ringawt pawh hian server sang chuang fe a nei a, computer chak multiprocessor nei leh hard drives thahnem tak a nei zel a ni.

Computer code pathum heng File System (GFS), Bigtable leh MapReduce hmang te hian Google hian hna a thawk a, GFS hmang hian data leh information chi hrang hrang te lakhawmin khawl lian tak takah Bigtable hmang hian awm ze neiin Google database hmangin a lo remkhawm a, MapReduce hmang hian high level data ah remkhawm leh in server inthlun zawm hmangin rang luttuk in internet a zawnna lai tur dik takah a hmuta chat thin a ni.

Google dintu te pahnih Larry Page leh Sergey Brin te chuan an University(Stanford University) a Science project pakhat atana an tih ‘Google’ la naupang tak chuan an hun tam tak a la peng tih hria in, an graduate zirlai lamah rilru pek an duh avangin 1999 khan Google chu Excite SEO, George Bell hnenah dollar mataduai khat a hralh an lo tum tawh a, chhungkhat laina leh thian tha te puihna a zarah $1 million chu an tlin ta hram a, Google tih hming pu hian dawr te tak te Menlo Park, California ah an hawn ve theih phah a, hemi tum hian Excite lam hian nasa taka dawn in an pamtul a, hemi kum vek hian vanneihthlak takin Google hian investor tam tak a hmu ta hlauh a, venture capital firms Sequoia Capital leh Kleiner te, Perkins, Caufield leh Byers atang te hian $25 million chu funding an hmu thei ta hlauh a, Page and Brin’s Alphabet Inc. tiin a lar chho ta a, Google hlutna hi 2015 khan $74.98 billion a tling der tawh a ni.
A hming lam sual avanga Google lo ni ta a ni.

A tangkai hriain, Mi tam tak nitin nunah chuan Google search engine hi a bet tel tlat tawh a, mi tam tak erawh chuan a hming lo chhuahna hi kan hre kher lem lo mai thei a ni. 1997 chho kha chuan eng thumal pawh internet ah chhulut ila, web site hming a lo lang thla tuarh ringawt thin a, he harsatna hi Brin leh Page te chuan hriain an University Science project atan a siam a, sutkian an lo tum ta a ni. A tir takah chuan he search engine hi ‘BackRub’ tiin a siam chhuaktu Brin leh Page ten an vuah a, an web site thar siam chu a tlawhtu a piang an lo chhinchhiah zel a, an tlawh duh leh an phek keu dan thlengin he an search engine hian a lo record thei a, tichuan an phek keu hnem dan indawt in ranking an siam leh ta a, chutia phek tam tak keu buai ngai lova an duh phek tak an keuchhuah zung zung theih dawn tak a vang chuan mathematics term pakhat lachhuakin ‘Googol’ tih chu a hmingah an vuah ta a, Googol tih chu numbe 1 hnung a bial(zero) hlir za(100) sawina mai a ni. A hnu deuhvah chuan a hming atan a an phuah Googol tih hi a hmuchhuaktute hian Google tiin an ziak ta tlat mai a, Google tih hming hi a lo pu hlen chho ta a ni. Dt 15th.Sep.1997 khan Google tih hming hian internet ah domain an siam (registered) ta a ni.


-------------------------------------------------------
GOOGLE MOTTO Or SLOGAN:

Google Unofficial Motto chu “Don’t Be Evil” tih a ni tlawng mai.

Sumdawnna thil a company te hian ‘motto’, ‘slogan’ emaw an nei thin a, Paul Buchheit Google hnuaia thawk leh Gmail siamchhuak tu chuan kum 2000 emaw 2001 ah khan Google company hnuai a hnathawkte meeting pawimawh takah sawi chhuakin, Google ‘motto’ atan “Don’t Be Evil” tih chu a rawt a, corporate meeting chuan pawmin a hnu deuhvah a tawng bungrua siam dangin October 2015 khan company ‘motto’ official atan “do the right thing”(;Thiltha tih’) tia thlak a ni ta chauh va, Code of conduct ah erawh a thu ngai ngaiin “DON’T BE EVIL” tih chu dah a la ni.

Khawvel pum ah Internet hmangtu te tan a awlsamna leh remchanna a siam hi sawisen a ni lovang, Google site hian awlsam leh rang takin, awmze nei tak siin a hmangtu user hnenah hriatna (information) a pe a, second khat chhung a zawhna 40,000 remkhawm leh a chhanna pek hi thil awlai a ni hauh lo, Tluklehdingawn thum leh a chanve lai nitin a zawhna lo lut dawn sawn leh chhanna pek hian internet khawvel hi a ti awlsam a, hmasawnna Khawvela  a thlen zawng zawng te hi a chhutsen rual a ni awm lo ve.



-------------------------------------------------------
 GOOGLE HNUAIA HNATHAWK TUTE(staff) TE TA'NA HAMTHATNA:

Google hi an hnuaia thawkte ngaihsak kawngah an bengvarin fak an hlawh hle.

 An hnuaia thawk te chu an lu meh/Sam tan man, an eitur man, doctor rawnna man, hnathawhna hmun zalen leh hmun thawl nuam(innovative workspace) te an tihsak vek bak ah, an hnuaia hnathawk chhungte pawh a awm tawkin an enkawlin an ngaihsak a, entirnan an hnuaia hnathawk lo boral ta se, an fate emaw, a nupui-pasal emaw chuan boralta(an hnuaia thawk thin) kum khat chhunga a hlawh belhkhawm zatve (50%) chu kum 10 chhung the meuh an dawng thei dawn ani.

Chu mai a la ni lo, an fate chuan kum 19 an tlin hma chu thla tin $1,000 an dawng dawn bawk, “Death benefits” an tih mai hi Google hnuai thawk 34,000 te hian an dawng thei a, chu bakah mipa tan ‘nau neih awl’(paternity leave) chu hlawh cheng khatmah kiam si lovin thlaruk chhung an chawl thei a, Nu tan(maternity leave), nau neih atanga chawlhkar 18 thleng chawlh a nei thei bawk.



Source: Socialnomics & Wikipedia

opeey1khiangte7@gmail.com

★★★

Post a Comment

0 Comments