Mizoram Inter - College Quiz on Sustainable Development Goals 2019 ṭan a ni

Aizawl | August 6, 2019: Mizo Zirlai Pawl (MZP) leh Planning Department (GoM) ṭangkawpin an buatsaih Mizoram Inter-College Quiz on Sustainable Developement Goals 2019 chu zanin dar 8:00 khan Ignite Studio, Khatla, Aizawlah intihsiakna ṭan a ni a. DIET Aizawl leh Govt Aizawl Collge in Second Round an lut.

He hun hi Deputy Adviser Cum Deputy Secretary Planning & Programme Implementation Dept. Govt. of Mizoram Dr. Lalrinchhana chuan inlawmna thu a sawi a, Nl. Lalbiakdiki, Quiz Master chuan intihsiakna a kaihruai.

Zanin khan khelh hnih awmin khelh khatnaah DIET Aizawl, Govt Siaha College leh Aizawl City College te an intum a.

DIET Aizawl in point 85 hmuin hnehna an chang a,  Govt. Siaha College in point 50 hmuin an dawt a, Aizawl City College in 30 hmuin a hnung an dawl thung.

Khelh hnihnaah hian  Govt Aizawl College, Govt Aizawl North College leh Mizoram Hindi  Training College te an intum a. Govt. Aizawl College in loint 50 hmuin hnehna an chang a, Govt. Aizawl North College in point 35 hmuin an dawt a, Hindi Training College in point 25 hmuin a hnung an dawl.

Inter College Quiz first  hi nakzanah a hun leh hmun ngaiah chhunzawm leh a ni ang a.  First Round zan hnihnaah hian Mizoram Law College, Govt Mamit College leh Govt T Romana College te match khatah an khel ang a, khelh dangah IASE Aizawl leh Govt Aizawl West College te an intum thung ang.

Mizoram Inter College Quiz on Sustainable Developement Goals 2019 ah hian College 11; Govt Aizawl College, Govt Aizawl North College, Mizoram Hindi Training College, Aizawl City College, Govt Siaha College, DIET Aizawl, Mizoram Law College, Govt Mamit College, Govt T Romana College, IASE Aizawl leh Govt Aizawl West College te an tel a. Aizawl khawpui pawn aṭangin college pahnih an tel a, Aizawl khawpui aṭangin college 9 an tel a. College tel hla ber chu Govt Siaha College niin, Govg Mamit College in an dawt a ni.

Zanina ṭan Mizoram Inter College Quiz on Sustainable Development Goals 2019 August 9, 2019 hian a hmawr bawk a ni ang.

Fixture

Mizoram Inter College Quiz 2019 hi Zonet Bawhbel & LPS 10 Channel-ah Live-a pek chhuah a ni.

This post is sponsored by: