Aizawl | August 21, 2019: Music Domain Mizoram (MDM) leh Art & Culture Department tang kawp chuan Augusy 23 leh 23 hian Inter College Folk Song Competition changkang tak a buatsaih dawn.
Heta tel tur hian college hrang hrang pawh an in puahchah nasa hle a ni. Zai mai bakah zai pui turin chheihlam a lam tel phalsak annih dawn avangin he competition hi hmuhnawm hle tura ngaih a ni.
He intihsiak ah hian hla thlan bik 10 neih a ni a, khuang leh seki, Keyboard leh Guitar te hman phalsak an nih bakah, Final hunah an duh anih chuan track pawh hman phalsak anni dawn a ni.
Intihsiak hi ni 2 awh tur niin a ni hmasa zawk ni 22 ah hian chhun dar 12 aṭanga ṭanin top 5 chin thlan a ni anga, ni 23 zanah Grand Finale neih tur a ni.
Intihsiak neihna hmun tur hi Vanapa Hall niin, ni 22 ah Pu Chuailova, Dy Director, A&C in a hawng ang a.
A kharna hunah hian Art & Culture minister R Lalzirliana chu khuallian niin, A&C director R.Hmingthanzuala chu khualzahawm a ni ang.
He intihsiak ah hian lawmman pawh tha tak siam niin
1st prize - Rs 40,000 + Trophy + Citation
2nd prize - Rs 20,000 + Trophy + Citation
3rd prize - Rs 10,000 + Trophy + Citation
Top 4th & 5th hi Rs 3000 + Citation pek an ni ang.
Post a Comment
He post chungchanga i ngaihdan lo sawi ve rawh: