0389 Screening ropui takin Aizawl-ah nei; ngaihhlut a hlawh hle

Aizawl | August 22, 2019: Zonet serial thar July 26 aṭanga chhuah ṭan tak 0389 Screening Gala chu zanin khan Vanapa Hall Aizawl-ah ropui taka neih a ni.

0389 Screening-ah hian Episode 5 thlirho a ni a, kalkhawmte hmuhnawm tih a tling a, 0389 chuan sawi a hlawhin  ngaihventu an tam hle.

 ***I hunawlah fakna te hi lo click ve ta che!***

0389 Screening Gala-ah hian Mizoram chhunga milar leh entertainment khawvela mi hlun leh lar tam tak an tel a. Mizoram event a Mizoram milarte an kal ṭhatna pawl a ni.

He serial hi Believing.Is.Seeing Projek te siam a ni a. Zonet ah zirtawpni zan Dar 8 apianga chhuah tur a ni.

Tunah hian Season One an chang zo tawh a, Season One ah hian episode 12  awm tura duan a ni a, Season tin hi thla 2 emaw thla thum a chhuak ziah dawn tihna  a ni.

0389 season one hi thla thum chhungin chhun mu lo zan mu lova an chan zawh a ni a. Director hi Raymond Colney a ni a, Script hi Raymond Colney leh Steven Ralte in an ziah a ni bawk.

He Serial ah hian Despacito a sak vanga mipui lawm leh hmelhriat, Vanlaltlansaa leh Mizo hmeichhe model zinga ngaihven hlawh, a sam tawi vanga 'Model samtawi' tia mite hriat hlawh Christina Pautu ten main role an play a, supporting role-ah R Lalremruata, Lalmalsawmi (Mali), Rinhlui Pialtu leh Alice Rintluangi te bakah Mizo zinga talent nei tha tak tak an inlan  a. Mizoram Entertainment khawvela i lo hmelhriat tawh tam tak i hmu thut thut bawk ang.

He serial hi thalai tam takin an nghakhlel hle a,  an en a, hmuhnawm tiin an ngaizawng ṭan der tawh aṭ Film Industry lama mi rilte ngaihven a hlawh bawk.

Aizawl tlangval pakhat, a hming tarlan duh lo chuan, "He serial vang hian LPS pawtte ZOnet ah an insawn loh vek pawhin an pawt kawp phah tal ang," tiin a sawi nghe nghe.

0389 Director chuan Mizo ṭhalaite tan film chu sumdawnna atan hman theih a nih zia tilang tura hmahruaitu an ni chu lawmawm a tih thu leh Mizo film siam tur chuan 'Taxi pakhat leh Mi a panga' a ngai an lo tih ṭhin chu, tunah chuan 'mi a za chuang' in Mizo film industry an buaipui ta hi a lawmawm tiin a sawi bawk.

 ***I hunawlah fakna te hi lo click ve ta che!***

Film siam tur chuan  tuia tui chilh a, at chilh a ṭul thu tarlangin, a hlawkna leh hlawk lohlam pawh tlu lova an lo atchilhna vanga fiamthu nana an lo hman khang 'taxi pakhat leh Mi â panga' kha Mizo film industry tun dinhmun thlentute an ni a ti bawk.

He hunah hian Zonet OTT (Online a TV Show en theihna) Tv.Zonet.in chu tlangzarh nghal a ni.

OTT hi Over the top tihna a ni a, Movie leh TV Show hrim hrim Online a en theihna a ni. Netflix te nen thuhmun a ni.

Zonet OTT aṭang hian 0389 episode chhuak tawh leh la chhuak turte pawh a en theih dawn a, Live stream leh Zonet channel a prog hrang hrang thla 3 chhung atan a thlawn a ni ang a, thla 3 hnuah a man chawi a ngai thung dawn a ni.