Zohnathlak Scientist ngeiin a duan India Hmeichhe Sipai thawmhnaw tlangzarh

Aizawl | July 21, 2019: Defence Research and Development Organisation (DRDO) hnuaia Defense Institute of Physiology and Allied Sciences (DIPAS) a thawk mek Dr. L Robert Varte, Scientist D duan chhuah, India rama hmeichhe sipai (women army) te'n indona hmun leh mipui thinrim sosan huna an hak tur, invenhimna thuam (body protector/protective gear) hmasa ber chu CRPF leh DIPAS, DRDO te kaltlanga siamin, He protective gear hi CRPF Director General R R Bhatnagar chuan nimin piah khan CRPF Headquarters, New Delhi ah a  tlangzarh.



Hmeichhia te hman tur bika siam FFBP (female full body protector) hi India in a siam hmasak ber niin, he thawmhnaw siam chhuahna tura a concept/design te hi Dr. L Robert Varte in a duan vek a nia, a siam hna hi DIPAS, DRDO in an thawk thung niin kan thu dawnna chuan a tarlang.

He protective gear hi special fibre hmanga siam niin, a rih zawng hi kg 6 ani a, nghawng atanga ke zungpui thleng venghim thei tura duan a ni.

Dr. L. Robert Varte hi  Shillong khawchhuak niin, a pa hi Upa Lalremthang Varte a ni. NEHU hnuaiah Ph.D zovin kum 2008 khan Defense Institute of Physiology and Allied Sciences (DIPAS), DRDO New Delhi hnuaiah Scientist 'B' in tuna a hna hi a lo zawm tawh a ni. 

Dr. L. Robert Varte hi hnam leh khawtlang tana chhawr nahawm tak leh mi inpe tak mai a ni a, Hmatr Students Association(HSA) Shillong Joint Headquarters ah hun rei tak hruaitu lo ni tawhi President hial a lo ni tawh  a ni.

Thulakna - Virthli.in

Post a Comment

0 Comments