Vairengte Commerce check gate ten kumin January a\ang a June thlengin Revenue-ah Rs.92,31,930/- chhung lut

Vairengte | July 11, 2019: Vairengte a Commerce & Industry check gate  paltlangin kumin January atanga thla hlui June thla thleng khan GST tel lovin Phai lam atangin chawhmeh chi hrang hrang 118,175 quintal lak luh a ni a,heibakah hian Sangha 8820 Boxes,Artui 33792 boxes leh Pahnah 7709 tukri leh,Ar note 3476 tukri leh Kel 885 lak luh a ni a,Mizoram Sorkar ah Revenue sum Rs.9,231,930/- chhun luh a ni bawk.

 Vairengte a Com-merce & Industry department check gate Inspector, Pu Rohlua hnen atanga thu dawn danin Kumin 2019 January atanga thla hlui June thla ni 31 thleng khan Vairengte a Com merce check gate paltlangin   phai lam atangin Alu- 42738 qtls lak luh a ni a.Purun- 15900 qtls lut in Chini - 9527 qtls, Chawhmeh-27469 qtls, Buhfai-12580 qtls,Wheat vai-9961 qtls leh Masur Dal-9113 qtls a lo lut a.Tin, Sangha- 8820 boxes, Artui -33792 boxes leh Kel-885 a lo lut bawk a. Heibakah hian Ar note-3476 Tukri leh Pahnah-7709 Tukri a lo lut bawk. Hetihlai hian he check gate kaltlang hian Mizoram atangin thlai thawn chhuah pawh awm vein chung zingah chuan Sawhthing-389126 qtls thawh chhuah a ni a, heibakah hian Hmarcha- 894 qtls leh Kuhva 663218 qtls thawn chhuah ani ve bawk.

 Tin,heng chawhmeh leh thil hrang hrang lak luh atang hian kumin January ni 18 atanga thla hlui June thla thleng khan Mizoram Sorkar ah chhiah (Revenue) ah Cheng Nuai 92 sing 3 sang 1930 chhun luh a ni a.  Check gate in spector Pu Rohlua chuan kumin January ni 18 atang khan a hna hi a zawm thu sawiin January thla chhung hian Sorkar Revenue-ah Rs. 7,82,300 chhun luh a ni a. February thla khan Revenue ah Rs. 20, 27, 660/- chhun luh a ni bawk. March thla chhung khan Com mece check gate chuan chaw hmeh leh thil hrang hrang lo lut atangin Sorkar reve nue ah Rs.18,48, 520/- chhun luh leh niin April thla khan Rs.10,16,270/- chhun leh a ni bawk.Tin, May thla khan Sorkar revenue ah Rs.23,43, 530/- chhun leh niin thla hlui June thla khan Rs. 12,13,650/- chhun luh a ni bawk.

 Hetihlai hian kumin January thla atang khan Phai lam atanga Mizoram ah thlai leh chawhmeh lam lak luh chu a kum dang aiin a tlem thu check gate Inspector Pu Rohlua chuan a sawi a. Kumin kum tir atang khan kum dang aiin phai lam atanga thlai leh chhaw hmeh lak luh a tlem hle a,kum dangah chuan thlai thar chi hrang hrang te, thei lam chi bakah Panhnah leh chawhmeh ang chi te chu Phai lam atangin Motor trip eng emawzat a rawn lut thin a, he tihlai hian kumin ah erawh heng ang chi hi alo lut tlemin Sorkar revenue pawh kum dang ain a tlem phah niin a sawi a. Hemi chung changah hian he tianga Phai lam atanga  chaw hmeh leh thil dang alo luh tlem chhan hi Mayanmar lam atanga lo lut a tam vang leh Phai lam aia tha in a man a tlawm zawk vang ni a an hriat thu a sawi bawk.

- RENGKHAWPUI