Aizawl | July 3, 2019: Ex MDC leh MNF in Mizoram zalenna an puan laia signatories zinga mi Pu V Lalchhawna lehkhabu ziah 'Rambuai Leh Kei' chu vawiin khwn MZP Conference Hall, Aizawl-ah Mizoram Minister of state Dr K Beichhua chuan a tlangzarh.
 |
| MOS Dr K Beichhua'n Rambuai leh kei a tlangzarh |
He hun hi Mizo Zirlai Pawl (MZP) General headquarters president L Ramdinliana Renthlei chuan kaihruaiin, MZP treasuer Michael Lalramsanga'n hunserh a hmang.
*** I Hun awlah website a fakna hi lo click ve rawh le. ***
He lehkhabu hi MNF ten zalenna an sual dawn a Signatory zinga mi leh Mara Autonomous Dictrict Council (MADC) a Member of District Council (MDC) lo ni tawh Upa V Lalchhawna ziak niin, Rambuai intan dan te, hun harsa tak Zoram in a hmachhawn dante ziahna a ni.
Lehkhabu release tu Mizoram minister of state Dr K Beichhua chuan thu sawiin, "MZP hian thil ropui tak tak a ti ṭhin a, Zoram tan an va hlu em. Vawiin a Lehkhabu kan release theihna chhan ah pawh hian a pawimawh ber an ni awm e." a ti a.
"He Lehkhabu ziaktu Upa V Lalchhawna hi dikna ngaisang mi a ni a, dikna a duh vanga a hreawm tawrh te pawh a tam hle a ni. Mi huaisen tak zam ngailo a nihna te hi a ngaihsan awm a, kan entawn tur a ni." tiin a sawi a.
"He Lehkhabu ah hian Mizo history ropui tak kan hriatloh kan hmu teuh a, hei hi a ropuiin a hlu a, he Lehkhabu hi mi zawng zawngin chhiar ila, Zofate inpumkhatna atan rahbi thar min kai tirtu lo ni ngei se ka duh a ni," ti bawk.
*** I Hun awlah website a fakna hi lo click ve rawh le. ***
Post a Comment
He post chungchanga i ngaihdan lo sawi ve rawh: