MMA Gym Challenge 4 August 8

Aizawl | July 23, 2019: Gym challenge 1, 2 leh 3 neih zawh hnuah Gym challenge 4 a lo thleng leh dawn ta. 

Gym Challenge leh MMA ngainatute tan August 8, zan dar 6:30 hian a hmun ngai, SPES Gym, Dawrpui Aizawl ah en theih a ni leh dawn e.


Gym challenge hi Zo Fight Promotions Pvt. Ltd.-in an sponsor a ni a, grassroot level-a fighter-te experience pek nan thla tin huaihawt thin a ni. ZFP hian fight zawng zawngte hi an gym kal mante phuhruk nan incentive cash award tlemte MISMA kal tlangin an hlan thin. Officiating lama experience ngah tak MISMA-in a sanction a ni a, sponsor dang tam tak a awm bawk.



Gym challenge inkhelh reng reng hi TV partner Zonet Cable-ah a tam thei ang ber replay thin a ni.


Tun tumah hian Elon Fitness gym, Happyredrooster MMA gym (Shillong), HBK MMA gym, Eagle Muaythai gym, BHHO gym leh SPES Gym te'n an fighter tha berte leh fighter tharte an rawn pho chhuak leh dawn.

Gym challenge Main event-ah hian Wushu veteran Nunpuia chuan striking lama duai lo, national champion lo ni zak zak tawh John-a a tum dawn a, MMA khawvelah chuan an la thar dun khawp mai; mahse, combat games khawvelah mikhual an ni lo. Mahni style-ah ve ve chuan an chungnung zawk ngei ang, MMA ah hian eng nge an an ang le?

Co-Main event-ah palian inbei kan en dawn a, amatuer MMA vawi 4 aia tam lo khel tawh ve ve an ni. Shillong chhuanvawr Balajeid leh Mizoram JFL champion hmasa ber Thasangate an innuai dawn a ni.


Gym challenge match dang pawh hi hmaih phal chi a ni lo ang. Explore Mizoram partner a kan telna Gym challenge hi lo thlir ve rawh le.

Post a Comment

0 Comments