Mizo Guitarist rual fuankhawmna 'Anthem of the Hills' July 26-ah

Aizawl | July 1, 2019: Mizo Guitarist thiam leh larte telna, Mizoram atanga Guitar Instrumental album nghahhlelhawm 'Anthem of the Hills' chu July 26 hian tlangzarh a ni dawn.

 

He Albumah hian Mizoram a Guitar zut thiam mi sawm te'n anmahni mimalin hla an tum theuh ang a, heng bakah hian Guitarist hrang hrang ten album hming put chhan 'Anthem of the Hills' an tum chu ngaihthlak tur a awm bawk ang.

Guitarist te hi Mizo band lar tak Dreamhunter guitarist leh Mizo Zaimi Inzawmkhawm (MZI) president ni lai David Z Hmar, Albatross Gutarist Hmingpuia, Trinity London hnuaia Western Classical Grade 8 chhuak ngat Lawma, Drop Doubt guitarist leh Drop Doubt School of Music neitu ZTPa, The Prophets guitarist leh Sword Tune Records neitu Eric Renza, Zosanga Ralte, El Volente band guitarist Ruatdika, THE Breeze guitarist Ephraim Malsawma, Boomarang guitarist leh Centre of Excellence in Indian and Western Music, Shillong & Tura a Head of department ni lai Booma leh The Scavenger Project Guitarist bakah Magdalene band dintu leh guitarist Victor dA scavenger te an ni. A mal theuh pawha mite ngaihsan hlawh rual fuankhawmna tur album hian ngaihven a hlawh nghal hle.
Tin, Victor dA scavenger  'Anthem of the Hills' project producer leh convener a ni bawk.

Mizo rimawi khawvela mi hriat hlawh leh ngaihsan rawn thah inlanna tur 'Anthem of the Hills' hi a nep thei lova, sawi hnawm chi lah a ni hek lo. A ropui dawn a, Guitarist mai bakah rimawi khawvel ngaihven a hlawh a, rimawi khawvelin a nghakhlel hle a ni. 


He Album, Active Sound bul tuma siam hi iTunes leh Spotify ah te dah a nih dawn bakah CD pawhin lei theihin chhawp chhuah a ni bawk ang.