kan tawngkam sala kan tan hauh loh nan kan ka hi i veng ang u

Tum khat chu putar pakhat hian a thenawm tlangval chu rukruah a puh a, police-ten an man ta a. Thil tihsual a neih loh tih hmuh anih avangin chhuah leh thuai a ni a.

Tlangval chuan putar chu roreltu hnenah a thlen ta a. Judge hmaah chuan putar chuan, "Thil a tihsual ka hmu ngai lo a, miten an rin dan an sawi ka sawi chhawng mai a ni," a ti a.

Judge chuan, "I thenawm tlangval i puhnate kha paper-ah ziak vek la, i ziah zawha paper kha pawt nawi vek la, haw kawngah i car tukverh atanga theh chhuakin thli i len darhtir dawn nia, haw leh ta u la, naktukah ro chu kan rel ang," a ti a.

A tukah chuan judge chuan putar hnenah chuan, "Thu remna ka siam hmain i lehkha paih darh kha va zawng khawm leh hmasa ta che," a ti a. Putar chuan, "Thliin hmun tinah a len darh tawh a, ka zawng khawm thei tawh nang," a ti a.

Judge chuan, "Aw le, khatiang chiah khan an dam chhunga an neih let leh rual lohin i thenawmte zahawmna i ti chhe ta a ni, mi thatna sawi tur i neih loh chuan ngawi mai thin rawh, kan tawngkam sala kan tan hauh loh nan kan ka hi i veng ang u (Let's all be master of our mouths so that we won't be slaves of our words )," tiin putar chu a zilhhau ta a ni.

Thu puarpawleng vawrh darh chingte hian mi dikna te, an hmingthatna te leh an zahawmna te an tihbawrhbansak thin avangin hetiang mi hi rukru aiin an hlauhawm zawk a ni.  

Hei hi i hre reng ang u -

Hmun diak leh nala kan ke a tawlh thluk dawn chuan kan balance kan la veng thei. Kan lei a tawlh thluk ve thung chuan kan kam chhuak chu kan la kir tawh ngai lo vang.

Mi dang tan malsawmna ni ang che.