KA DUH EM A SIN!

- ✍đŸ» Zohmingi Joute


Pu Saikunga pawhin a tia lawm, "Duhna hi chuan hmalam min pan tir mai a ani nem...min tlan tir lawp lawp a, a chang pawn ka tawlh thlu zeuh zeuh thin"  a tih kha.

Tu mihring nge Khawvel eng hmu ve lem tawh duh nei reng reng lo awm le ? Khawvel hian duhna hi alo chhawp chhuak hnawk mai a, keinin chu duhna chu kan nihna ah a lo beh tel ve tlat bawk nen.Mihring leh thilsiam zingah hian "Duh em em" tur hi kan lo zawng ve chu nih hi maw.Kan duh zawng lah hi an hrang hlawm khawp a, hei erawh thil lawmawm tak chu ni bawk si.

Mitin mai hian duh nei hrang thei tura Chanvo kan neih vang pawh ni lem lo in, Mi chi hrang hrang kan niha kan danglam hlawm em avang mai te hian kan duhna hi alo hrang mai zawk hi ni a.Pathian hi a themthiam satliah lova , Mihringte buaina tur tamtak min chinfel sak nghal thlap tura ngaihtuahna nei tha satliah lo mi ropui tak ani tih hi ka sawi nawn awn awn chak bawk.Chutia mihringten a hranga duhna kan han neih takah chuan mimal tin hian kan thil duhzawng hi kan hmuh leh neih nghal theih aiin kan neih nghal mai loh thil , kan hmuh vuai vuai leh kan suangtuahna min kal dingpui vauh vauh tur thilte hi a ni daih teh hlawm a.Kan hriat leh hmuh ngun em em te, tamtak kan neih tawh thil hi kan awt mawh hlawm khawp mai lah tak a.Balhla huan neitu fate chuan nitin Balhla tam tak an hmuh avangin Balhla chu an it huam huam ngai lem lo, an ei e zeuh zeuh chauh a, an duh em em hran lo ang.Duh ngawih ngawih  chu tlem a zawng pawh an lo awm ve maithei bawk a.  Mihring nun hi chu mak ve tak hi ani a "ka duh em asin " kan tih te hi kan neih hauh loh thil te hi zu ni tlat a.

Ka sawi tum takah kan lut tawh teh ang.Duhna neih chu Mihring nihphung niin , mi pangai nihna ni ve bawk mahse uchuak tak leh hmalam thlir hauhlo khawp a kan duhna ti puitlin tura ngaihtuahna senglo turin finkhur erawh kan ngai nasa khawp mai. Zawhna siam dawn ta ila, enge kan duh thalo tihpuitlin hlauhawm tak si chu?  tiin.A chhanna chu a chhiartu a zirin a danglam khawp ang le.Chhanna tumah pek sak ka tum lova nimahsela thil pakhat erawh thai lan hram ka duh a ni. Eng thil pawh kan duh sum te , lansarh te , in leh lo leh thildang ruihtheihthil te chen hian a zĂ»n a kan uai thui hma hian miten an chhiatpui nge an hlawkpui?, enge a thatna ? A tangkaina turtih hi ngaihtuahna fim taka kan ngaihven hmasak hi a tul khawp mai . Kan thil duhtak ho hi kan pan rual rual hian bihchiang hmasa ang u engnge a nghawng thlen tur tih tal hi.

Mipa pawhin hmeichhia a duhin i Nui mawi tih te , eng eng emaw an sawi lawr duah duah thin hi, kan thil duhtak hi Ka duh em asin ti satliah nghal mai lovin i hel hmasa phawt ang u.



Kan rah tur thlir hmasa hmalam kan pan chuan tu mawhphur mah ni lovin, ke pen tu chu mawhphurtu kan ni ang.




Post a Comment

0 Comments