Japanese Encephalitis hrileng thlirho

Aizawl | July 10, 2019: Nimin khan Directorate of Health Services  a Officer-ten tunlaia thenawm state Assam a Japanese Encephalitis (JE) hri leng mek chung chang an thlirho va; a tul anga hma lak dan tur an rel.

Tun dinhmunah Assam-ah hian JE vanga thi zat  chu mi 51 tling tawhin mi 200 chuangin JE an kai tawh a chhinchhiah a ni.

JE thehdarhtu hi Culex  thosi, Mizorama kan thosi tam ber ang chi an ni a. Mihringin Japanese Encephalitis a kai chuan   khawsik sang tak lo nei thutin rilru hriatna a chawhbuai bakah tlun te pawh a siam thei a  ni.

Japanese Encephalitis hi culex thosite hian vawk leh ran dang bakah tui savate atanga kaiin mihringah an thehdarh thin.

Tun dinhmunah  Mizoramah JE natna vei an awm hriat a la ni lo chungin  thenawm state- Assama-ah a len mek avangin mipuite himna tur leh in an kai lohna tura a theih ang anga hmalakna tur an rel zingah  -  zau zawka thawktu leh mipui zirtirna pek te, JE vanga damlo ni a rinhlelhte thisen test te, those pian theihna ti tlem tura chak taka hmalak bakah mimal invenna atana thil tulte neihna tura hmalak   bakah a tulna hmun bika thosi kah a nih theih nan hma lak ni se, tih an rel.

*** I Hun awlah website a fakna hi lo click ve rawh le. ***