Aizawl | July 17, 2019: Zo Indigenous Forum (ZIF), ZoRO leh PRISM chuan vawiin khan Aizawl Press Club-ah thutharthehdarhtute kawmin, Indian Forest Act 1927 siamthat tumna dan thar India Forest (Amendment) Bill 2019 chu mihring tana a hlauhawm thu leh dikna a palzut bakah India Constitution hnuaia inhungbikna kan neih Article 371 (G) (a – ii, iii leh iv) phei chu nasa takin a palzut nia sawiin dodal turin Political Party leh tlawmngai pawl zawng zawng leh Mizoram sorkar an sawm.
Zo Indigenous Forum (ZIF), ZoRO leh PRISM chuan,"India ramah hian British hunlaia Forest Dan an siam tawh, ‘The Indian Forest
Act, 1927’ chu kan la hmang char char a. Kum 90 hnuah chuan siamthat ngai
tam tak a awm tih hriain India sorkar chuan India Forest (Amendment) Bill 2019
a buatsaih a.
India Forest (Amendment) Bill 2019 draft Bill chu Ministry of Environment, Forest & Climate Change-in he dan ( India Forest (Amendment) Bill 2019 ) en tura Core Committee-in rawtna a siam te chu March Ni 7, 2019 khan State
leh UT zawng zawngah thawn darhin, a zau thei ang bera NGOs/Civil Society Organisation te nen inrawnkhawmna (consultation) nei a, chumia an comments/rawtna zawng zawngte chu notification an chhuah atanga Ni 90 chhunga thawnlet leh turin hriattirna a chhuah bawk a. He stakeholders Consultation hi a kokim taka rang thei ang ber a buatsaih turin Mizoram sorkar kan ngen tak meuh a ni." tiin thuthar thehdarhtute hmaah an sawi.
India Forest (Amendment) Bill 2019 chu?
India Forest (Amendment) Bill 2019 duan tharah hian India Constitution hnuaia inhungbikna kan neih Article 371 (G) (a – ii, iii leh iv) phei chu nasa takin a palzut dawn a, Mizote tan dan hlauhawm leh thalo tak a ni dawn a, he dan (draft) do tur hian Mizoram-a Political Party leh tlawmngai pawl zawng zawng leh Mizoram sorkar kan ngen tak meuh a ni.
India Forest (Amendment) Bill 2019 Section 66 (2)-ah chuan Forest Officer te’n forest encroachment chungchangah an duh duh kah theihna a pe a, Section 66- ah chuan Arrest warrant tel lova mi inchhung luh theihna leh dap theihna an nei
bawk. Rambuai laia vai sipaiin an duh duha mi man leh kah theihna Armed Forces Special Power Act, 1958 ang maiin Forest Officer-te hian an duh duh an kapin mi in an dap thei dawn tihna a ni a, a rapthlak hle a ni.
India Forest (Amendment) Bill 2019 Section 16-ah chuan forest dwellers te dikna leh chanvo pawh forest conservation thil nen a inkalh a nih chuan laksak theih a ni ang tih a chuang bawk a (the state governments could take away the rights of the forest dwellers if the government feels it is not in line with “conservation of the proposed reserved forest”
India Forest (Amendment) Bill 2019 ruahman hian Indigenous Peoples Rights leh UNDRIP bung hrang hrang te a bawhchhe nasa hle a ni. (Article 8, 25, 26, 32.)
India Forest (Amendment) Bill 2019 Section 3.2.2 ah chuan, ‘Central sorkarin forest-te hman an duhdan anga state sorkarin hma a la lo a nih chuan over-rule theih an ni ang’ tih a awm a. Hei hi India constitution-a federal structure spirit nen pawh a inkalh tlat a ni.
India State of Forest Report 2017-a a lan danin Mizoram-ah forest cover 18,186 Sq Kms (86.27% of states geographical areas) a awm a, Reserve forest- 79.47% (4,482.9027 Sq Kms, Unclassed forest- 20.53 % (1,158.0973 Sq Kms) a awm mek a ni.
Mizoramah Carbon Stock 95.041 Million tonnes (India rampum carbon stock
1.34%) awmin Mizorama forest area hi India State of Forest Report 2015 aia a tlemna chu 531 Sq Kms a ni a, hei hi a chhan chu tlangram lo neih leh hmasawnna hnathawh (developmental activities) vang niin tarlan a ni.
He forest dan thar ruahmanna Section 2.1 (10) ah chuan “production forests” rawn dah tharin forest product tharchhuah nan Section 34.C (1) na angin thing leh non timber forest produce, medicinal plant tihna atan hman theih a ni tih a chuang bawk a. He bung leh chang hian North East India-a forest te chu nasa taka ti chereu a, sum siam nana hman leh kan ram leilunga thing leh thlai awmlo hrang hrang te chinna atan hman an tum tih a chiang hle a ni.
Section 2.9 ah chuan Unclassed forest forest chungchang sawiin State sorkarin Reserve forest emaw protected forest-a a puan loh zawng chu unclass forest tih a ni dawn a, hei hian vangtlang ram leh hmun kan humhalh thin zawng zawng dan anga Reserve Forest emaw Protected Forest emaw a ziahliuh loh zawng zawng te chu a huam vek dawn a. Hei hian kan forest humhalh leh hmun that neih te chu ‘production forest’ atan awlsam takin a siam dawn a ni.
Section 3.10 naah chuan Kum 5 aia reilo chhungin tlangram loneih (shifting
cultivation) chu tihtawp ngei ngei tur a ni tih tarlan a ni a, keini Mizo mipui tam
zawk tlangram loneih eizawng te tan chuan chem lova lu lakna a ni.
Tin, India Forest (Amendment) Bill 2019hian Constitution hnuaia Sixth Schedule Autonomous District Councils (ADC) kan neihte thuneihna hrang hrang heng:-
* administration of justice
* land and limited legislative powers
* enjoy the power to make laws on such subjects as allocation of
lands (other than reserved forests)
* management of forests (other than reserved forests)
* the regulation of ‘jhum’ (swidden) cultivation, among others te hi
a rawn bawh chhe vek dawn a ni.
Post a Comment
He post chungchanga i ngaihdan lo sawi ve rawh: