AN SAWI BSUP I TAN

Sakhming thang tura belh lai run in pui kha. An sel lo a sin, a mawi hluan e, chawlh nan rethei ten chûnah an ngai hluan, an bel e; sianglawi nan. A him e, kulh nei bangte iangin, Thlamuang ten zan mu an chhing za țhin e, eng dawn lo ten. Anghing em ni? Van ruahpui lungmawl a hrâng e, sapui iangin,a sawi e lal fanu run in pawh zuah a tum ne maw. Ka rei maw, lei ruang phût a hrâng ta si maw. A chhui si lo an nun zemawi kha.

 Fam lal run nghak turin an hruai ta si maw, ni lo, in tuar ana luba e, ti nge maw intan fam kulh khartung kik hawng ta chu ni,? Siamtu mawizia chawi tute u; lo lawm ru, lo hmuak r'u. Aw durpui a nghing e, țapin nau leh zua, chun aw rawl a kiu ruai e. A sun turin zoram, vanin an sun ve ngei ang le kan tuar thiam lawng, hring chan chhungin.

RIANGHLEI ṬAHNA!

(Zoremi Hmar Zote)

Rosumpaiin rianghlei ṭâng nùl a do vàng a,

Riah rûn vàia riangvài rûn lian bêltu naufa,

Muang ten tlài ni khua lo ngùi a, rûn siang lâwiin,

An dâwn phâk lo, thlafam ṭumkawng zawhna ni tur!

Pamham koham, mahni ṭâng hâi, hmangaihna dài,

Lianlur sakhming tlâng than thlahlel hringnun tenawm,

Khâltu khuanu hmâi êng zah lo, Nunrawnna chuam,

A pawi asin, nang vang rianghlei an ṭahna hi!

Nui hiau sakhmel, hlim thâwm ri mawi a thanna leh,

Ai ang sàm a, duhthu leng tin an chhaina kha,

A chang zo ta ṭahna rûn leh rùmna rûnah,

Senthi luangin chawnban thlunglu an thal phung a,

A chang zo ta, rianghlei ṭahna, Aw! Nang vangin!

Hun leh nite an her ang a, an liam ang a,

Rianghlei senthi âu thâwmte leh sakruang dàite'n,

Khuanu hun ruat an nghak ang a, an thlîr ang a,

I tawng ve ang, i chhêk khâwl sa, i ṭahna tur!

(Thlamuangin chawl ula, rethei awm tawh lohna van khawpuiah, kuta sak loh rangkachak tual han màwi ula, hring lamah zawng rawn kir duh lul tawh suh u aw!)

 *** I Hun awlah website a fakna hi lo click ve rawh le. ***