Aizawl | June 21, 2019: World Music Day ni 21 June 2019 Imphal, Manipur a neih ah Mizoram atanga Zaithiam zai awm chhun pahnih Adama leh Sangtei Renza an cheṭhain an che ropui hle.
Adama leh Sangtei te hian hla 8 lai an sa a mipuiin an lawm hle.
Nimin khan Imphal Press Club ah ann Manager Te-a Boitlung hovin press mite an hmachawn.
An Manager Te-a Boitlung chuan Mizoram ah pawh hman ve theih nise a awhawm thu a sawi a; organisers ten an lo dawn sawn danah a lawmthu leh mikhual khual chungchangah hnam dangte lakah hian zir tur mizote hian kan la neia a hriat thu a sawi lang bawk.
He event hi NE Brothers buatsaih a ni a, an ngai ropuiin mipuiin an hlut hle a ni. Local TV ah live a pek chhuah a nih piah lamah YouTube lamah Live Stream a ni. He hunah hian mi sing chuang an pungkhawm a ni.
World Music Day hi kum tin June 21 ah mipui tan Free Event anga neih ṭhin a ni a. Kum tin ram 120 leh Khawpui 700 chuangah he event hi hman ṭhin a ni.
He hun ropui hi Fête de la Musique (www.fetedelamusique.culture.fr) (emaw MAKE MUSIC DAY) tih pawhin hriat leh sawi ṭhin a ni a, Kum 1982 khan France ramah ṭan a ni.
Chuta ṭang chuan rimawi ngainatute thinlungah a lo darh zel a, kum tin hmun hrang hrangah hman a lo ni ta ṭhin a ni.
He event hi YAC ground, Yaiskul, Imphal ah neih a ni a, Adama leh Sangtei Renza bakah Band hrang hrang; Penta Fusion, Fringes, Megahertz, Kaicho, Illegals, Dipwarani, Emvryonix, The Wishess, Red Devils, Pulse Pundit and Battles te an inlan a.
Entry fee a awm lova, a thlawn liau liauin mipui a duh duhin an chhim thei a. Rimawi ngainatu mipui an fuankhawm hnem hle.
He events hi NE Brothers Entertainments Pvt Ltd in an buatsaih a ni.
Post a Comment
He post chungchanga i ngaihdan lo sawi ve rawh: