Aizawl | June 18, 2019: Mizoram Hmeichhe Insuihkhawm Pawl(MHIP) thubuai kal zelah Senior Civil Judge III chuan thu tlukna siamin MHIP Gen. Hqrs. hnathawkte chu inthlanna a awm leh hma chuan chawl turin a hriattir.
MHIP Gen. Hqrs. inthlanna a buaina leh inbeihna kal chho zel chungchangah court-ah thu theh luh a nih angin Senior Civil Judges III R. Malsawmdawngzuala chuan thu tlukna a siam a. MHIP Gen. Hqrs. leh Office Bearers te chu inthlanna a awm leh hma chuan an hna chawlhsan turin a hriattir a ni.
Senior Civil Judges III chuan a thu tluknaah chuan MHIP Gen. Hqrs. chuan NGO thenkhat hnenah tangka an pe ngei nia thu an dawn thu tarlangin, tuna MHIP Gen. Hqrs. bearer te hun hi kumin April thlaa tawp tawh tho a nih avangin MHIP Gen. Hqrs. chu inthlanna dang neih a nih hma leh OB tur ruat fel a nih hma chuan suspend mai tha a tih thu tarlangin, Civil Judges III chuan MHIP Gen. Hqrs. leh Office Bearers zawng zawngte chu MHIP hminga hma la tawh lo tura hriattirin MHIP Official Seal chu court-a theh lut nghal turin a hriattir bawk a ni.
He thubuai hi Pi Rohmingthangi D/o Zalianchhunga(L), Kulikawn in MHIP Gen. Hqrs. khinna a thehluh atanga ngaihtuah tan a ni a. Pi Rohmingliani hi Pu K. Remruata Adcocate leh midang ten an din sak a, a lehlam tan hian ding an awm lo tih Senior Civil Judges III Judgement-ah hian hmuh theih a ni.
Post a Comment
He post chungchanga i ngaihdan lo sawi ve rawh: