Aizawl | May 17, 2019: Mizoram School Education minister Lalchhandama Ralte chuan a chamber-ah vawiin khan Lalhruaitluanga lehkhabu ziah 'Zirna Kai lawn - Stairway to higher education' chu a tlangzarh.
Tlangzarh zawhah thusawiin, Education minister chuan, "Lehkhabu hlu leh rintlak, Mizoram in a mamawh, Zirlaite mamawh ka office aṭanga a chhuak tur hi ka lawm a ni." tiin lehkhabu hi zirlaite tana a ṭhat thu sawiin, zirlaite mamawh chhanna petu Lalhruaitluanga chungah a lawm thu a sawi bawk.
He lehkhabu hi zirlaite an zirna lama pui tur leh zirna kawng hrang hrang an thlanna kawnga puiti tura siam a ni a. Lehkhabu ṭha leh rintlak tak a ni bawk.
Lalhruaitluanga hi ZoCareer Solutions ah Managing director ni bek a ni a.
Lehkhabu hi Govt Zirtiri Residential Science College Associate professor Laltluangkimi Hnamte in a preview a. Lalhmangaihzuala'n hunserh hmangin ZoCareer Solutions director RK Hnuna'n tlangzarh inkhawm a kaihruai.
He lehkhabu bakah hian Lalhruaitluanga hian Lekhabu pahnih a lo tichhuah tawh bawk a ni.
He hunah hiana ziaktu bakah MZP president L Ramdinliana Renthlei leh MSU president Vanlalliana Khiangte ten thu an sawi bawk a ni.
Post a Comment
He post chungchanga i ngaihdan lo sawi ve rawh: