Aizawl | May 22, 2019: Khawvela Tractor siamchhuaktu lian ber pawl, Tractors and Farm Equipment Limited chuan Bollywood Star Akshay Kumar chu an tractor siamchhuah zinga 'Massey Ferguson Tractors' Brand Ambassador atan an puang.
TAFE te hian kum 60 kal ta atang khan, India-in Agriculture lama hmasawnna leh siamthat kawngah nasa takin a thawh hlawk hle a, ram 100 chuangah sulhnu neiin, an Tractor siamchhuah hi maktaduai 2 leh nuai 5 vel an hralh tawh a ni.
Tractor siamchhuah zingah, Massey ferguson hi a bikin India-ah chuan hmelhriat sa leh tha filawr lak niin, thiamna sang tak leh chak taka hna thawk thei tura duan; product hrang hrang 125 lai siamchhuah a ni.
Hemi chungchangah hian, TAFE, President leh COO, TR Kesavan chuan, Massey Ferguson Tractor tana Akshay Kumar, Brand Ambassador a nih chungchangah, Akshay Kumar-a chu India khawpui mai nilo, hmun kilkhawr leh thingtlang thlenga, ngaihsan hlawh tak anih avangte, a film channa reng rengah thlirtute beiseina khum zaka lemchan thiam anih avangin, he, Massey Ferguson Tractor nen inanna nasa tak an neih avangin, TAFE PResident chuan beiseina sang tak a neih thu sawiin; anmahni dawr thintu loneitute leh TAFE te inkungkaihna chu a siamthat lehzual a beisei thu a sawi a ni.
TAFE hian, tractor chauh ni lo, diesel engine, generator set ri bengchheng velo, agro engine, hudraulic pump leh thildang chi hrang hrang tha tak tak a siamchhuak tel bawk a ni.
Post a Comment
He post chungchanga i ngaihdan lo sawi ve rawh: