Retheihna kara distinction a pawl sawm pass Given Lawmnakima belhchianna

 - Buangtei Zote

Chhungkaw harsa leh rethei tak, Bilkhawthlir veng pakhat Kharzawl aṭanga pawl sawm distinction a pass ta Given Lawmnakima leh Buangtei Zote in a kawmna hi lo chhiar ve rawh le.

Given-a an in kawtah

Given Lawmnakima hi Lalhmangaiha leh Lalzarmawii te fapa niin, 2004 March 22 khan a lo piang a. Kharzawl, Bilkhawthlir ah an chhungkuain an cheng mek.

Unau pakaw zinga upa ber niin, Mipa panga leh hmeichhia  pali an ni.

Pawl khat aṭanga pawl thum hi Kharzawl primary school ah a kal a, Pawl li aṭanga pawl tiat hi Presbyterian English School, Bilkhawthlir Hmarveng ah a kal bawk.

Pawl kua hi Gov't T. Robert High school, ah zirin,  pawl sawm erawh Bilkhawthlir High School ah zirin he sikul aṭang hian a pass ta a ni.

 Given Lawmnakima S/o Lalhmangaiha, Bilkawthlir Kharzawl veng a mi hi tun HSLC result chhuakah khan Top ten ah tling lo mahse Distinction ah a pass a, Subject zawng zawngah letter a hmu bawk. An unau an rual em avangin a naute a enkawl a ngai a, tin School a kalna Bilkhawthlir High School hi an in atangin KM 5 vel a ni bawk a, a tam zawk chu kein a kal tang tang thin. Kan sawi tawh angin an chhungkua an harsat em avangin tui chawi, eirawngbawl te a tih vek a ngai a, a changin a pa hnathawk a zui ve lawp lawp thin, mi tum ruh tak a ni a, school ah pawh lehkha zir bak a ngaihtuah ngai lo, note an lak te hi paper themah te a lo copy mai zel a, mahse a ti bo ngai lo.

Ruahsur hnuaiah sikul pan turin kein KM nga chuang a kal a ngai fova.

A ṭhianten weekend nuam taka an hman laiin a ni erawhin a hun awl chu an chhungkaw tana a ṭha lama hmang turin a pa puih leh ram hna thawh leh inhlawh chang a ngah hle.

Hetiang khawpa harsa an ni chunga a tumruhna leh taimakna vanga a hlawhtlinna hi a chhuanawmin a lawmpuiawm takzet a ni.

Hobby- Lehkhabu chhiar

Lehkhabu duhzawng -thlarau thiaghlim zirtirna aw leh khawvel mi ropui te

Zaithiam Duh- Daduhi & Enrique

Chawhmeh- Alu leh dal

Hmun ngainat- In

Amah hi mi zakzum tak tawng tam lo, aia upa zahthiam tak mi inngaitlawmleh mi tumruh tak a ni.

Pathian ṭih mi, inkhawm taima tak a ni a a tet laiin inkhawmpuinaah recitation te a sawi thin.

An veng hi khaw hmawr lam a nih avangin a school kalna hlat zawng hi km 5 bawr vel a ni a, ke in a kal thin.

Pawl 10 result chhuak a a mark hmuh zat:

Mizo- 90,

english-82, 

Science-84, 

SS- 90 leh maths- 87 hmuin mark 500 ah mark 433 a hmu a ni.

Lehkha zir dan ngaihtuahin distinction a a pass hi phu a inti a, a theih tawk a nasain a zir nasa hle a ni.

Bible chang duh ber-  Kei atan erawh zawng Pathian hnaih hi ațha a ni.

Lehkha zir dan tlangpui:

- zingah 5-6am chuan zanah 7-10 pm thleng a zir tlangpui a. class ah hian theihtawpin zirtirtu te lectur a ngaithla thin.

An zirtirtu te hian an pui bawm nasa hle a ni.

Examna chhan dan ngaihtuahin tuna a dinhmun hi thlen phak a in ring a chhan dan atangin hetiang result a neih hi chu a ring ve tho niin a sawi.

A nun a  pawimawh ber- chu a chhungkua niin a sawi bawk.

School chawlh chang ten huanah te an kala a chhungte a pui thin. Result chhuah ni pawh khan a pa nen ram an riak a, phone a neih loh avangin mi dang en tir turin an ti a, May 2, 2019 zing dar 11 bawr ah chuan an lo call hun an lo nghak tawp mai a ni.

A result a hriatin a lawm em em a. Chutih rualin, hunawl ah te lo zir tam deuh ila top ten ah ka lang ve tur, tiin a in ngaihtuah tlaikhawhnu niin a sawi.

"Khawtlang leh zirtirtu te leh min duhsaktu te zawng chugah kan lawm a, sum leh pai hmanga mim lawmpui te  ka chanchin hria a min lo lawmpui tute zawng zawng chungah kan lawm bawk." tiin Given-a chuan lawmthu a sawi.

A hlawhtlinna lawmpui a kwmtu leh tlawhtu a ngah hle.

_________________

TT Arts, Chanmari Aizawl-ah T Shirt print hrang hrang an ti thei a, Explore Mizoram T Shirt pawh cheng 600 in lei tur a awm bawk e.

Call/ WhatsApp +919615332721