Aizawl | May 10, 2019: Kum 2019-2020 chhunga Music Domain Mizoram (MDM) hruaitu tharte chu Whitestone Conference Hall, Ramhlun North-ah Dt. 9th May, 2019 (Thursday) ah inhmukhawmin Zoram rimawi ngainatute leh Zaimiten hma an sawn zelna turin thu pawimawh tak tak leh phurawm tak tak an rel a, heng an thil rèl tha tak leh phurawm tak takte Pathian zara a hlawhtling anih chuan Zoram mipuite hian mit leh beng ngeiin a hlawhtlinna an hmu ngei ang tiin beisei takin an thlir mek a ni.
Tunah hian MDM hian, Mizo Rimawi tana hmasawnna turin a din tirh aΘang khan hma la zelin Library-a in Registered-te hnenah *Cheng Nuai sawmthum (Rs. 30,00,000/-)* chuang a sem tawh a, Member mimal zing a hlawkna tel tam te phei chuan MDM zar zovin thla 1 chhungin *Rs. 20,000/- (Singhnih), Rs.30,000/- (Singthum)* an dawng chho mek a, hei bakah hian MDM member zingah Mizoram chhunga harsatna tawk a damdawi ina awmte hnenah *Medical Bill/ Health Care Rs. 3000/-* pek thin a ni a, Mizoram pawn a member refer an nih phei chuan *Rs 5000/-* lai an bill Θhin bawk. Hetianga member-te’n hamΘhatna an hmuh mek avang te, pawlin a thil tum leh hmachhawpte a tih hlawhtlin chhoh mek avang hian kiam lam aiin belh a hlawh chho deuh deuh a, ni kum 2018 chhung ringawt khan *Member 100* chuangin an pung chho mek bawk a ni.
Hetiang a MDM in nasa taka hma a sawn chhoh zel vang hian pawl member-te tih hlut lehzual nan MDM Assembly 2019 Θhukhawm chuan kumin aΘang hian member-te’n neitu chan an chan zawk theih nan *Membership Fee* khawn ve ni tawh se tiin a rel a, member zawng zawngte’n ngai pawimawh a July thla ral hmaa Aizawl chhung a member awmte chuan pe Θheuh turin an in ngen a, Khaw hrang hrang leh District hrang hranga memberte pawn awlsam zawk a an pek theih nan ruahmanna hruaituten siamin hriattirna lo ngaichang Θheuh turin an in ngen bawk a ni.
Tin tuna MDM member ni mekte bakah Zai leh rimawi lam kaihhnawih a Mizoram Music Industry hmasawnna leh hamΘhatna duh a MDM rawn zawm ve duh apiangte chu Member ni turin sawm vek kan ni e.
Kan artist te hmasawn nan,
ReplyDeleteAn mahni senso ang te hlawk zawk a..an cover leh theih nan, ti in a thleng thui zawk leh fan zau zawk tur, streaming platform kan siam a,
An hrethiam leh mauh lo mai hi, a buaithlak ka tiππ
Mahni, video shooting tihna pawh hi, a dik a dik chuan, an cover lo a chha chu ania,
Hmasawn zawnga, ke pen hi a pawimawh a, Mahni ram siam, mahni hnam siam, kan look down chhung chuan, local celeb ve satliah kan ni maiπ
Post a Comment
He post chungchanga i ngaihdan lo sawi ve rawh: