Aizawl | May 23, 2019: Vawiin khan BJP Mizoram chuan India ram a NDA Sorkar thar lo piang leh tur lawmna leh lawmthu sawina hun BJP Office ah an hmang. He hun hi Pu Vanlalhmuaka GS Org I/C in kaihruaiin, Pu LR Colney State Secretary in tawngtaina hun a hmanga, BJP MP Candidate Pu Nirupam Chakma leh Prof JV Hluna BJP President ten thu an sawi.
Prof JV Hluna chuan," Kum 2019 MP Election a BJP in Sorkarna a siam leh thei hi BJP Mizoram chuan lawmawm kan ti em em a, Mizoram a kan dinhmun pawh kil tin atanga beihna kan tawk chung pawh a, BJP Candidate Pu Nirupam Chakma in a vote sing 3 dawn lai mai a hmu thei pawh hi BJP Sorkar hi Mizoram ah pawh kan mamawh tawh hle tih ti chiangtu ni in ka hria a, hmasawnna dik leh mitin in mahni chanvo kan chan theihna turin BJP hi Mizoram ah ngei pawh kan la Sorkar ngei ngei dawn a ni" a ti.
India ramah BJP chuan hneh tak in Sorkarna kan siam leh dawn ta a, hei hi a chhan chu Prime Minister Narendra Modi thawhrimna leh Development ṭha tak a, a kalpui vang a ni a, Modi Sorkar term hmasa ah khan mirethei tam takin hamṭhatna kan dawng a, tumah thleibik nei lovin hmasawnna rualkhai takin keini Mizoram thlengin kan dawng a nih kha. India mipui ten Pu Modi hian hna a thawh that em avangin a hnathawh chhunzawm thei midang an hriat loh avang leh hna athawh chhunzawm leh theih a, hmasawnna a kalpui mek te chhunzawm tir leh hi India mipui ten an duh avangin an thlang leh ta a ni. Chuvangin keini Kristian te leh Kohhran ho te pawhin kan tawngtai na a roreltu tha tak Pathian hnena kan dil ṭhin kha tunah pekin kan awm ta a ni. Chuvangin Kohhran hote pawh Pathian hnena lawmthu sawina minlo neihpui turin ka ngen bawk che u a ni, a ti bawk.
"MLA inthlang zo chiah mah ila, Central ah a kungpui kan nih tlat avangin Mizo mipui te pawh BJP a rawn inpe turin kan sawm leh che u a, Mizoram leh Hnam tan a, a tak taka hnathawh kawr ha ngam te lo pen chhuak vek turin kan sawm tak meuh meuh che u a ni," a ti bawk.
Post a Comment
He post chungchanga i ngaihdan lo sawi ve rawh: