Esther Chawngthu - Norah film a a changtunu

 

Mizo film chhuak thar, veng tina an inchhuah chhawk zak zak mai leh lar em em 'Norah' film a a changtunu Esther Chawngthu leh Exploremizoram.com director H. Zate inkawmna hi lo chhiar rawh le.

Exploremizoram.com tana a hun hlu tak hlantu Esther Chawngthu chungah kan lawm a, a hma lam hunah hlawhtlinnna chang zel turin duhsakna kan hlan mawlh mawlh e.

 

Esther Chawngthu tia hriat lar Esther Lalrinpuii chawngthu hi Esi tiin an ko thin a. Hmingvanneia leh B Thangi te fanu neih chhun leh duat ni turin 1991 November 10 khan a lo piang a. Unau pathum zinga milai leh hmeichhe awm chhun a ni.

Lunglei Lunglawn-ah chengin an khawsa a, Fashion Designing lama ei zawng a ni.

 

Hobby: Ka eizawnna a ni bawk a thawmhnaw design vel hi nuam ka ti ber

 

A duhzawng leh ngainat zawng hrang hrang:-

Lehkhabu: keu zin ber Bible hi ka duh ber

Hla: You're My Best Friend by Don Williams

Chawhmeh: Vawksa rep

Mizia: Mahni in inthunun thei te hi ka ngaisang a.

Mize ngainat loh zawng?

- An tawng kan ngaihthlak loh lai pawh a lo tawng reng thin te hi ka ngaina thei ngai lo.

 

Norah a i lo chan dan?

- Sunday tlai ah u mapuia leh hnamtea kan in ah an rawn lang hlawl mai a. Project a neih chungchang leh screen test ti ve tur a min duh thu an lo sawi a. Norah hi a ni ang tih ka hre lo hrim hrim.  Chuan screen test chu kan ti ve a. Screen test ti mi 15 vel zing ah min thlang chhuak a. Ka lawm khawp mai mahse ka huphurh hle bawk.

  

Film dangah i chang tawh em?

- Mizoram Thalai Kristian Pawl (MTKP) film siam 'Where' ah khan Vainu Rakhi role ka play a, misual te nen inthurualin mi kan hralh thin. Where hi 2017 kum tawp lam khan kan shoot tran a 15th March 2018 khan release a ni. Norah nen hian film 2 ka chang ve tawh. 

'Where' Premiere

 

Norah shoot laia har i tih ber leh nuam i tih ber?

- Romantic scene vel kha har ka ti ve deuh. Location a fuh bawk a scene dang hi chu a nuam ka ti vek a mai.

A lo ngaihsan em em Mapuia Chongthu nena thawhho chu nuam a ti hle

Mizo zinga film industry a mi ril, Mapuia Chongthu thawhpui chu engnge ang?

- Pu Mapuia hi ka naupan lai atanga ka ngaihsan ve em em a ni a, House Number 109 leh Mission film vel a rawn chhuah lai pawh khan hmuhnawm ka tiin thian te nen an film ang te kan lo chang fiam thin. Chutiang khawpa ka ngaihsan nen tunah hei kan han thawk dun a, kawng engkim ah ka hlawkpui khawp mai.

Min fuih nasa a amah atang bawk a, a mood ah a chen loh theih loh. Shoot zawh thleng pawh a a ruk a la la thei khawp a a thawn mood a min hruai lut thin tu a ni. Mi rilru tha tak a nih bakah a dawhthei em em a, tihsual kan neih pawh in min hau mai lovin min fuih sauh sauh thin. Chuan,  kan shoot chhung khan harsatna eng eng emaw te pawh a thleng a chuti chung pawhin a hmel hlim lo lai hmuh tur awm lo kha a thlamuan thlak ka ti thin bawk. Ka lo ngaihsan thin ang ngeiin mi ngaihsan awm tak belhchian dawl tak a lo ni ngei e.

Isaac nen pawh an innel hle.

A changtupa hi??

- A changtupa Isaac Chhakchhuak nen hi chuan in hre sa kan ni a mi smart tak a ni. A fel em em a thawhpui pawh a nuam hle. Acting pawh a thiam ka ti khawp mai

Modelling/Acting lam hi i tui reng em?

- Modelling/acting lam hi ka tui a nuam ka ti.

Ka naupan laiin Lunglei ah Barbie Girl Show buatsaih a ni a, hetah hian perform ve in 2nd runners up ka lo ni ve tawh bawk. Chuan, Kum 2015 a Lunglei Photographers Association in Leitlang Dingdi an thlan-ah telin pathumna ka ni tawh bawk.  Mahse, tunah chuan ka thau mah mah tawhin ka inhria. haha

Acting hi ka tui a TKP/YMA function angah te pawh drama/skit ah hian ka tel ve fo thin.

  

Hmeichhe dang ang thovin inkhawm bana thla lak chu nuam a ti ve hle...

  

Mizo Film Industry hmasawn nan thil pawimawh nia i hriat?

- Kan sawrkar in Sports a dah pawimawh ang hian Film Industry hi han dah pawimawh ve se, hei ai ngawt hi chuan hma hi kan sawn ka ring.

Film chan chhunzawm zel i tum em? Hmachhawp te i nei em?

- Ka chhungten min support chhung chu film dang pawh chan chhunzawm zel ka tum. Tunah chuan hmachhawp ka nei rih lo.

 

Kohhran, Khawtlang leh nangmah?

- Ka theih ang tawkin ka inhmang vein ka hria. Baptist kohhran kan ni a BCM Lunglawn ah kan lawi a. Tunah hian TKP Programme Committee member ka ni ve mek a. Khawtlang ah pawh ka theih ang tawk in ka in hmang ve thin.

  

Mizo hnam ṭhanmawh bawk nia i hriat?

- Mizo te hi thil thiam chak mi kan ni a....mahse tam tak kan thiam a kan master leh tak tak thin silo hi kan hnam thanmawh bawk pakhat chu niin ka hria a. Thil tih tak tak peihna kan neilo fo thin ho a pawi ka ti.

 

Hnam chhan nana Hmeichhiate ṭangkaina leh mawhphurna?

- Kan hnam chhan nan a kan tangkaina leh mawhphurhna ni a ka hriat chu Kreistian ram kan nih ang tak a Pathian tihna nun kan neih a, Hnam dang te zuam tur a awm mai lo a kan nun uluk leh thianghlim tak a vawng a, Kawppui atan Mizo tlangval chauh kan thlan zel a pawimawh ka ti.

Norah film a a inthuam dan angin

Thalaipuite tana thuchah?

- Eng kawng pawh zawh dawn ila ruihtheih thil nen chuan hlawhtlinna a awm ngai lo tih hria ila, Eizawnna emaw hna ah pawh ni se engmah hnuaihnung bik a awm lova, rinawm leh taima tak a kan thawh a, rim taka kan beih chuan hlawhtlinna in a um zui ngei ngei thin. Kan ram kan hnam a lo him a, ram nuam kan neih zel theih nan thalai ten taimak leh rinawm I uar thar zel ang u.

Esther leh Zatea, 'Norah' Premiere Show Aizawlah

Exploremizoram.com i hmuh dan:-
Tha ka ti lutuk, Website a luh chiah hian a that zia chu sawi vak ngai lovin a hriat mai....

_________________

TT Arts, Chanmari Aizawl-ah T Shirt print hrang hrang an ti thei a, Explore Mizoram T Shirt pawh cheng 450 in lei tur a awm bawk e.

Call/ WhatsApp +919615332721