Chhinga veng east PCI biak in chhaka in tlu mai theiin awm, buaipui mek

Aizawl | May 13, 2019: Nimin khan Chhinga venga Pu F.Zathuama In tluk mai hlauhawma a awm avangin thiah hnatlang neih a ni.

Inrinni chhun dar 11 vel khan Chhinga Veng East Biak In chhaka Pu F Zathuama (L) In, a nupui leh a fate (chhungkaw pathum) luah lai concrete building chhawng 4 chu a hnuai lama foundation tih nghehna tur ban khur laih chim avangin a in pum chu chim mai hlauhawmin a awm a. Inrinni zanah bungrua te thiar chhuak nghal niin, nimin khan in pumpui chu thiah tumin hnatlang neih a ni. 

He harsatna thleng hi bialtu MLA leh Minister ni bawk Pu Robert Romawia Royte kaihhruaina hnuaiah buaipui a ni a, Councillor leh Local Council bakah YMA te nen an buaipui a ni. 

He in chim mai hlawhawm tak thlang maiah hian Chhinga veng East Biak In a awm a, in hi chim thla ta se a delh mai theih dawn niin a lang. Nimin chawhma inkhawmin chawhnu inthiah natlang ngaipawimawhin chawhnu inkhawm pawh thulh a ni. 

Nimin khan nilengin Pathianni pawh sawi lovin In thiah hnatlang neih a ni a, hnatlangah hian Chhinga veng khawtlang bakah State Disaster Response Force, Aizawl District Disaster management Aurthority leh PWD lamte an tel a, a him thei ang ber tura a tah tawla thiah a ni a, vawiin hian in thian hnatlang hi chhunzawm a ni ang.

- Inputs from Mizo Special Report