Aizawl | May 9, 2019: Lalchhungkaw hla tia hriat lar 'Murvalen thiam' leh 'thih leh thih' hlate sa lar leh tu C Lalremruata chuan a music video thar, Gospel hla dangdai tak mai, 'HEIRAW HEIHA' tih chu a buaipui mek.
He hla hi Tuiṭhaphai Manipur lama awm Pu Thangzarlien phuah niin, a thluk pawh hi a ma siam a ni.
He hla hi Valentina Tusing (Mate Tusing) in Hmar ṭawngin a lo sa tawh bawk a. Sak hlawh leh mi ngainat tak mai a ni. Hetianga hla hi Hmar ah chuan 'Ram thar hla' tih huanga an dah a ni.
Music hi Lal K Sailo niin Recording hi Masky Records a ni thung a, Videography hi Chiangtea kutchhuak a ni.
He Music video ah hian Mizo hnam lam dana lam mawi tak i hmu ang a, Zo ziarang phenah Pathian hmangaihna tarlan a ni.
He music video a buaipui chhung hian harsatna hrang hrang tawkin a awm a, nimahsela, he hla leh he video kaltlang hian Pathianin a ropuina tihlan nan a mite kaltlangin a hausak renrual loh a hmuh tir a, Testimony ropui tak a chhar a, A satu Remruata ngei pawh a lawm hle niin exploremizoram.com chuan thu a dawng.
He music video hi Cable TV leh youtube ah en theihin a awm thuai dawn a. Eng Cable TV nge tih leh Youtube ah eng channel ah ber nge tih erawh tarlan a la ni lo.
A tha hle mai. Lalchhungkua te no hi nei in awm mial em le? In neih hlauh chuan min lo pe hram dawn nia u.
ReplyDeletePost a Comment
He post chungchanga i ngaihdan lo sawi ve rawh: