Asia Pacific Baptist Youth Conference 2019 a tiak; Vice Chairman atan Mizo tlangval

Aizawl | May 25, 2019: Asia rama Baptist Thalai Inkhawmpui 2019 chu May 21 - 24, 24 chhung khan Baguio City, Philippine Baptist Theological Seminary hmuh ah neih a ni a. Thupui atan II Timothy 2:2 'Making & Multiplying Disciples' hman a ni. Speaker hrang hrang te atangin Pathian thu hi ngaihthlak a ni ang a. Tin, Thalaite pualin Workshop hmun hrang hrang ah neih a ni bawk.
- exploremizoram.com

Mizoram aṭangin Mizoram Ṭhalai Kristian Pawl (MṬKP) aiawh  Member 12 an kal a. MṬKP Organiser Rev K Lalbiakenga'n a hova. An ni bakah hian BCM Choir te Pathian fakna leh Cultural Item show turin an kal tel bawk.
-exploremizoram.com

Kumin hi Asia Pacific Baptist Youth hruaitute inthlak hun a lo ni ta a. Kum 2019-2024 chhunga hruaitu an thlan zing ah hian Mizo Tlangval, BCM Sethlun Kohhran a lawi Tv Jacob Vanlaltana Khiangte chu Mizo zinga  vawikhatna leh a hmasa atan Asia Pacific Baptist Youth Vice Chairman atan thlan a ni. APBY hruaitu tan Chairman Steven Dixon - Australia, Vice Chairman Jacob Vanlaltana Khiangte - India, bakah Executive Committee atan Franco Ferrer - Philippines, Lakna Premawardhane - Sri Lanka, Ireina Serenia - Indonesia leh Zauk - Myanmar te thlan an ni bawk.
- exploremizoram.com

APBY Vice Chairman Mizo tlangval chu tunge :-

Asia Pacific Baptist Youth Vice Chairman Jacob Vanlaltana Khiangte hi Pu Lalthazuala Khiangte leh Pi Laldawngzeli Ralte te zinga fa upa ber a ni a. Ni 11.July, 1991 khan  Sethlun, Lunglei ah a lo piang a. Unau pathum an ni.

Tunah hian Sethlun, Lunglei ah a nu leh pa bulah a khawsak mek a. Mizoram Polytechnic ah Lecturer niin Kohhran leh Khawtlang tan mi tangkai tak a ni. Zirna lamah hian Bachelor of Engineering (BE) hi Pune University atangin a zirchhuak a. Tin, Music lamah pawh a duai lo hle. Royal School of Muscil London atangin Music Theory Grade 4 a zir chhuak tawh bawk a ni.

Rawngbawlna lamah :

1. Kum 2010-2013 khan Pune Mizo Christian Fellowship ah Choir Conductor a ni a.

2. Kum 2009-2013 chhung khan Pune Mizo Christian Fellowship ah Executive Committee Member a ni bawk.

3. Kum 2013-2016 chhung khan BCM Choir member a ni

4. Kum 2016-2019 thleng hian BCM Choir ah Asst.Conductor a ni bawk a. Kum 2018 khan Choir of The Year Lelte Award an dawng bawk a ni.

5. Asst.Secretary-TKP Sethlun Unit, Lunglei (2018-2019)

6. Conductor, BCM Sethlun kohhran zaipawl (2013-till date)

Khawtlang Rawngbawlna lamah:

1. School Leader, Sacred Heart Lunglei (2006)

2. Cultural Secretary (2010-2011), Vice President (2011-2012) President (2012-2013), Pune Mizo Student Union

3. Secretary, North East Community Organisation Pune (NECOP)

4. Executive Committee Member, MZP Hqrs Lunglei (2014- till now)

5. Executive Committee Member, Lunglei District Football Association (2017-2018)

6. President Lunglei, Kennel Club (2015-till now)

7. Secretary, Lunglei District Arm Wrestling Association (2016-till now)

8. Executive Committee Member, Lunglei District Sports Committee (2018-tilk date)

Kum 2019 APBY Conference hi a vawi 17-na niin Philippine rama Baguio City ah Conference hi neih a ni. He Conference ah hian Asia khawmualpui ram 17 atangin palai 720 zet an kal thei a. Speaker hrang hrang hmangin thupui *Making & Multiply Disciples* II Timothea 2:2 hman a ni a. Tin, thupui hrang hrang hmangin hmun 20 dawn ah Workshop hi neih a ni bawk.

 Engtin nge APBY hruaitute hi an thlan :-

Asia Pacific Baptist Federation in Search Committee a nei a. Chu Committee chuan Kum 2018 a Asian Pacific Baptist Youth   buatsaih MD2 Leadership Conference Vietnam a, a buatsaih khan hruaitu turte lo ngaihtuah in APBF Search Committee hian hruaitute an thlang ta a ni. APBY Vice chairman hian India ram Baptist Thalaite bakah hian India ram hnaih a ABPY member te a vil dawn a ni.

Asia Pacific Baptist Youth hnuaiah hian ram 22 an awm mek a. Heng ram 22 hian Baptist Kohhran hrang 60 an awm mek a. Biak In 30,000 a awm mek a,  50 million kohhran member an awm mek a ni. APBY Conference 2024 hi Malaysia ah neih a ni ang.

With Inputs from - Elvis Zuala