Aizawl | April 23, 2019: Zorinzuali Khiangte Music video thar 'Ka rawn hlan' tih chu a lo chhuak thuai dawn e.
He Video hi April thla chhung a nih loh pawhin MAy 2019 chhhung hi chuan chhuak hman ngei tura beisei a ni.
He hla hi Mystic Sailo phuah niin, Music leh Recording hi Lal K Sailo khawih a ni a. Video hi RDS Shots leh BS Pictures kutchhuak a ni a, a nep thei lo hrim hrim.
Chung zawng aia hmuh a chakawmna chu he video hi March thla atanga bul tan a ni a. A shoot nan hian ni nga chhung teh meuh mai an hmang a. Budget pawh a nep lo hle a, Cheng nuaih khat chuang fe chu an hmang tawh nia thu dawn a ni.
Zorinzuali chuan, Music Domain Mizoram (MDM) Library ah a dah dawn niin exploremizoram.com a hrilh a. Youtube lamah a dah dawn leh dawn loh a la sawi thei lova, he Music video hi tihchhuah hun tur chiah la chiang lo mahse a hla tawh dawn lo tih erawh a chiang.
"Tlangzarhna hun pangngai taka siam ve thain ka hria a, kan siam dawn nge dawn lo erawh ka la chiang thei lo. Ka inngaihtuah mek" tiin Zorinzuali hian exploremizoram.com a hrilh bawk.
Post a Comment
He post chungchanga i ngaihdan lo sawi ve rawh: