Aizawl | April 11, 2019: Mizoram a nitin chanchibu darhzau ber nia hriat, vanglaini chanchinbu chuan April 11, 2019 chhuak phek hma headlines story-ah Mizoram MP candidate te an hming leh symbol an tarlang a. hetah hian MF candidate C Lalrosanga hming zawnah chhinchhiahna (symbol) ah Arsi (star) aiah Ni (sun) an dah.
He thu hi a darh chakin dem a hlawh hle a. Mizoram Chief minister leh MNF Party president ni bawk Zoramthanga chuan he thil hi a siamthatna awm hman miah lo a nia, a pawi em em a, MNF hotute chuan phone call an dawn chur chur thu sawiin, pawi a tih thu a sawi.
"An tihsual palh ni lovin, an tihluih liau liau, an sual vang a ni," a ti.
Zorama chuan, "Vanglaini print-tu leh Neitu K Sapdanga ZPM a an hotupa a ni a, Joint Editor hi an candidate Lalnghinglova Hmar a ni a, an tihluih liau liau a ni" a ti bawk.
He hi thil runthlak tak a nih vangin court lamah pawh a tul dan angin hma kan la dawn a. Inthlan dan bawhchhiatnaah hei aia serious hi a awm chuang em ni, a ti.
MNF president PU Zoramthanga chuan hemi chungchang hi sawi chhunzamin, "pawi kan ti a, kan thin pawh a ur khawp mai" a ti a, "inthlanah an tlin ngei a rin thu a sawi bawk a ni.
Vanglaini thil tih avangin MNF Hqrs chuan CEO Mizoram leh RO hnenah Complaint na an thehlut.
He tih lai hian ( 11:30am) thleng khan Vanglaini Editor K Sapdanga hian MNF General Hqrs ah ngaihdam dilna a la theh lut lo a, Emergency staff Meeting pawh ala ko lo niin kan thu dawnna chuan a sawi.
hetihlai hian tukin zing khan WhatsApp lamah chuan Vanglaini Editor thupha chawina nia ngaih theih hi a darh a, ngaihdam a dil niin sawi a ni bawk.
He tih lai hian ( 11:30am) thleng khan Vanglaini Editor K Sapdanga hian MNF General Hqrs ah ngaihdam dilna a la theh lut lo a, Emergency staff Meeting pawh ala ko lo niin kan thu dawnna chuan a sawi.
hetihlai hian tukin zing khan WhatsApp lamah chuan Vanglaini Editor thupha chawina nia ngaih theih hi a darh a, ngaihdam a dil niin sawi a ni bawk.
Post a Comment
He post chungchanga i ngaihdan lo sawi ve rawh: