Thlipuiin Assam ramri dep a nuai, Saiphai leh Saipum ah in tam tak tichhia

Aizawl |April 15, 2019: Tukin zingkar chaw ei kham dar 9 bawr vel khan Assam ramri depa Mizoram khua eng emaw zat chu thlipui in a nuai. Hriat theih chin ah Saipum ah in 20 leh Saiphai ah in pariat vel a tichhia.

Saipum VC president Pu R. Lalchamliana hnen ṭanga thu kan dawn danin, "in 4 chu luah tlak lovin a chung a tichhia a, 

Mihring thi leh hliam erawh an awm lo.

Saipum VC leh YMA chuan hnatlang kovin tunah hian khawtlangin in chhiate thawmṭhat leh sengfel hna an thawk mek niin Pu Lalchamliana chuan a sawi.

Thlipui hi Vairengte, Bairabi, Phainuam leh Saiphai te pawh thli hian a nuai nasa hle a, hriat theih chinah Saiphai ah  hian in 8 a chhia.

Saiphai VC Treasurer Pi Lalruoitling in a sawi danin in 8 zinga 3 chu luah zui tlak lovin thlipui hian a tichhia a, a dang 5 erawh siamṭhat a la luah theih a ni.

Tunah hian khawchhung an buai a, an hnatlang mek niin thu dawn a ni.

Phainuam, Vairengte, Bairabi leh khaw dangte chanchin ngaihchan mek a ni bawk.

- Sinlung Hmathlir