Aizawl | April 24, 2019: Siamsinpawlpi Headquarters, Aizawl chuan Sialkal Tlangdunga High School leh Higher Secondary School te tan ni thum awh tur ' Study Tour' hawnna programme vawiin ni 24.04.2019 chawhma dar 9:00 khan SRDC Office, Venghlui, Aizawlah an hmang a. He hun hi Ngopa Block development officer leh Sialkal Range Developemnt Council a Member Secretary ni bawk Lalhruaitluangi chuan khuallian niin a hmanpui a ni.
He Study tour hi vawiin aṭanga ṭanin Zirtawpni thleng awh tur a ni a. Study tour-ah hian Mimbung, Teikhang, Kawlbem, Vaikhawtlang leh Selam khua aṭangin Zirlai 28 an tel a. Zirtirtu pahnihin an kaihruai a ni.
He huna thusawitu Khuallian Lalhruaitluangi chuan, 'Zirna uar a, an zirlaiah ṭhahnem ngai taka bei turin' zirlaite a chah a. Ram leh hnam Hruaitute thlaktu la ni thei tura ṭan la sauh sauh turin a chah bawk.
Pi Lalhruaitluangi chuan, "Lehkhabu chhiar tam a pawimawh thu sawiin, engkimah zirna ngaihpawimawh a ṭul a. Pathian tih loh-ah chuan Zirna hi Hmasawnna rahbi min rahtirtu awm chhun a ni a. Lei rem kan rah theih nan leh hmasawnnan zirna kan uar a, ṭha taka kan zir a pawimawh a ni," a ti.
Khuallian chuan, Zirlai harsate chu an harsatna kawngah an tan a din reng thu a sawi a. Ngopa BDO a nih loh hunah pawh tumna tak tak nena an zir duh a, retheihna vanga an zirlaiah harsatna an tawk a nih chuan puih a hreh lo tur thu leh Thianghlimna kawngah ṭan la turin a chah bawk.
He Siamsin Study Tour hawnna programme hi Tv. Sanghmingthanga, President in a kaihruai a. EBCC Pastor V. Gobiakmuan an tawngtaina hun hmangin Pu G. Ngulzathuama, Chairman, Standing Committee in palai lawmna thuchah a sawi a. Tv. Rodingliana, General Secretary hnen atangin introduction leh report ngaihthlak a ni bawk.
He Siamsin Study Tour hi Sialkal Range Development Council(SRDC) in sponsor in Aizawla hmun pawimawh hrang hrang tlawh pui an ni ang.
Post a Comment
He post chungchanga i ngaihdan lo sawi ve rawh: