Vathuampui | April 13, 2019: April 11 ningani zan dar 9:30 vela Tv.Vanlalngheta (22) S/o Tawna Chikhurlui khua, Raj Kumar (Chikhurlui khua) leh a thiante'n na taka kut an thlak chungchangah Pang Zirlai pawl chuan thuchhuah siamin he thil hi a dem takzet thu leh hriatthiam har an tih thu an thuchhuah chuan a tarlang.
Vanlalngheta hi unaupa nen a thianpa te in ah lengin an infiam a, zan dar 9:30 vel ah chuan Chakma thian rual zu rui ho chuan, engnge in tih? tiin tihbuai an tuma, Vanlalngheta'n engnge ni ta? tia a va ngaihven chu chakma ho chuan rawn beiin an sualrawn a, Vanlalngheta chu bawhbetin che thei lova siam in, an duhtawkin an sawisa ta mai niin thu kan dawng.
Vanlalngheta hian a lu ah leh a ke veilam ah thisen chhuak in hliam a tuar a. A bei hrawntu chakma ho hi eng zat chiah nge an nih hriat chian a ni lo. Vanlalngheta hi a Exam zo MP Election Vote thlak tur a an khua haw a ni.
He buaina chungchang hi Vanlalngheta nu leh pa ten an lungawilo thu leh an thubuai ngaihtuahsak turin Chikhurlui VCP hnenah an thlen a, mahse Munoram(VCP) chuan ngaihtuahsak duh lovin thubuai a rem theih loh thuin a lo chhang a. A Chakma puite chhan nan a thubuai ngaihtuahsak duh lotu Chakma VCP hi Pang Zirlai Pawl chuan a dem tak zet bawk a ni.
Mizoram chhung ngei a a ram neitu zawkten Chakma kut kan tuar ta fo hi Pang Zirlai Pawl chuan a hrethiam lo tak zet a, thuneituten an harsatna tawh thin hi an enzuisak an phut bawk a ni.
Post a Comment
He post chungchanga i ngaihdan lo sawi ve rawh: