Kolasib, April 30, 2019: Zanin khan Kolasib Diakkawn Square aṭanga Silchar road lama tlan thlak kual laiah bike a chesual a awm a. A chesual ber hi a kezungpui a tliak a. Chutia an lo bial tuau tuau lai chuan Daisy te pafa hi zuk thlengin a thi chik pur pur chu he nula hian glove pawh bun lova hup sakin an car a puan an pai fai ber chuan tuam zuai zuaiin damdawiin lamah an pafa hian an phur chho ta a. A car chhung pawh thisenin a tiberh hle a ni awm e.
Chesual hi tunge a nih a, a chhungte tute nge tih an hriat theih loh avangin engkim an tih theih zawng zawng lo tifel vekin a chhungte lo thlen hnuah pawh ṭinsan mai lovin an admit fel pui thlap a ni..
Anni pafa zarah hian accident a hliam tuar kezungpui hi tan loh theih dan a awm beiseiin an ṭhuizawm leh ta phawt rih a. Naktuk lamah a chin a chiang ang.. Chu mai a ni lo, kil tuau tuau ringawt khan dah rei ta se, thisen a hloh tam zual zel dawn vangin a che sual tan pawh dinhmun a him lo telh telh dawn tihna a ni a. Midang nun chhan tura nun thap ngam nula te pafa hi an fakawm hle..
Daisy sawi dan chuan, "Mizo tlawmngaihna kan ti a, mahse a mak ka ti.." tiin ṭawngkam thiam lo takin an thil tawn - an lo hual tuau tuau rikngawt chungchang chu a sawi a. Glove vuah lova hliam tuar a buaipui chungchang chu, "HIV/AIDS chungchangah hi chuan midang pawh theih tawka aware ve ṭhin ka ni a, mahse mi nun chhan tura second khat pawh uiawm dinhmuna awm chuan hlauh a sawi theih tawh loh a.." tiin a sawi zui..
Daisy hian Kolasib tlangval hmingṭha tak Isaac te nen '05 Low Riderz' an dinah hetiang dinhmun leh thil dang dangah pawh midang ṭanpui tur leh malsawmna nih tum tura an inzirtir nasat vang a nih pakhat thu a sawi tel bawk..
#PS: Ka mi hriat sa an ni lem lo a, an thil tih hi ropui ka tih em avangin ka lo post sak a. An mahni hria chuan in lo mention mai dawn nia.. Tin, he post hi ngaih loh lamah a khawi lam mahin an ngaih loh hram ka beisei..
Post a Comment
He post chungchanga i ngaihdan lo sawi ve rawh: