Aizawl | April 14, 2019: Mizo Zaimi Inzawmkhawm (MZI) General headquarters, Aizawl chuan April 17, 2019 nilaini zan hian Dawrpui Multipurpose Hall, Aizawl-ah MZI Library Nite an hmang dawn. He hunah hian LPS Top Chart Achiever Award, Life member certificate leh chawimawi phute chawimawina an hlan ang.
He hunah hian Mizoram Art and Culture Deputy director Lalchuailova chu khualllian a tan beisei a ni a. R Vanlalzaua chu khualzahawm atan beisei a ni bawk.
He hunah hian Sangeet Natak Academi KC Runremsangi chu MZI hian lawmpuina leh chawimawina a hlan dawn a. Mizo Zaithiam lar leh hit tak takin kal khawmte zaiin an awi ang.
Library Nite hi hun hniha then niin, hun khatna hi Micky Chhangte-in kaihruaiin, hun hnihna hi Ronald Zothantluanga leh Laltei te'n an kaihruai thung ang.
Ruahman ang chuan he hunah hian kum 2018 - 2019 chhunga LPS Top Chart Achiever te hnenah chawimawina hlan vek tur a ni a, MZI Life Member te hnenah certificate hlan a ni bawk ang.
MZI Library Nite hi tlai dar 6 ah Red Carpet-in bul tan a ni ang a, programme hi zan dar 7 atangin tan a ni ang.
Mipui ngaihven leh zaithiamte ngaihlut MZI Library Nite hi Mizoram entertainment khawvelah chuan zan hlu leh ropui tak a nih ngei rin a ni.
Post a Comment
He post chungchanga i ngaihdan lo sawi ve rawh: