Aizawl | April 28, 2019: National Leadership Award 2019 chu vawiin tlai khan Novotel, NewTown-Kolkata ah hlanna hun hi hman a ni a, he chawimawina hi Mizoram aṭangin Mizo tlangval chhuanawm, Mizoram School of Photography neitu leh Director Malsawmtluanga hnenah hlan a ni.
He Award hi India ram State hrang hrang atangin Entrepreneurship lama titha te hnenah hlan ṭhin a ni.
He Award hi MSP leh Director, Malsawmtluanga te chanchin leh an hlawhtlinna hrang hrang atanga pek a ni.
Keitum tlangval, tuna Tuikhuahtlang, Aizawl a khawsa mek MSP director Malsawmtluanga hi Hlimlawma fapa a ni a. Kum 2013 khan National Academy of Photography atangin Professional Course in Photography leh Videography & Film Editing hi Kolkata Film & Television Institutes, Kolkata atangin a zo va. Tunah hian Persona International Photographer (Approved by Federation of Indian Photography)ah Life Member niin, Mizo Photographers' Society President te lo ni tawhin, Photography Club of Mizoram dintu a ni bawk.
Mizoram School of Photography hi Kum 2017 khan Ex MP&MLA Pu Vanlalzawma'n hawngin tun thleng hian tha takin an la kalpui a.
He School hi Mizo thalai, Photography zirna tha neilo te zirtir leh man tlawm zawk leh Mizo tawng ngeia mahni rama duhtawka kan zir theih nana din niin Zirlai sawmruk (60) chuang zetin an zir chhuak tawh a ni.
An zirchhuah hnu pawha Photography lam tihhmasawn a nih zel theih nan Photography Club of Mizoram dinin an intelkhawm.
School leh Club tangkawp hian kan ram nungcha leh ramngaw humhalh kawngahte an theihtawpin hma an la a. Photography Workshop, Exhibition, Photo Gallery leh Production House te neiin hma an la chho zel a, Mizoram leh Mizo mipuite hnena Photography tihhmasawn hi an thiltum bul ber a ni.
Ka lawmpui in Ka chhuang khaqp mai che,hetiang anga i hlawhtlinna atang a chawimawina i dawng hi thinlung tak in ka lo lawm ve em ani
ReplyDeletePost a Comment
He post chungchanga i ngaihdan lo sawi ve rawh: