Aizawl | April 19, 2019: Ram leh hnam tana rawngbawlna hna thawh hi khua leh tui tana tih tur pawimawh hmasa ber a ni a. Chutihlai erawh nchuan, officer thenkhat chu ramin a mamawh lai taka mahni hna tul leh mahni nawmsakna umin an mawhphurhna atangin an indah kiang fo thin.
Mahse, Lawngtlai SDPO thar, Lok Sabha inthlan tur puan hma lawka tuna a nihna hmuitu Beimosia Lapi erawh chutianga ram leh hnam tana a rawngbawlna hnualsuat mai mai mi a ni ve lo.
Lawngtlai sub-divisional police officer (SDPO) Beimosia Lapi, nodal officer for communication plan and cyber security bakah police zonal officer for Lawngtlai zone erawhin ram tan entawn tur a hnutchhiah a. April 7, 2019 khan a pa L Patha (75) chu a boral a.
Kum 34 a upa, Lapi hi an unau paruk zinga a naupang ber a ni a. A pa thih thu a hriat hian a pa vuina-ah april 8 khan a tel a, April ni 9 lkhan a chhungte hnenah a la awm ve a. Mahse, April 10, ah erawh a dutyna turah a awm tawh. April 11, 2019 Mizoramin MP a neih chhun a thlang a, hemi atana a mawhphurhna chu hlen ngei turin a pa ruang pawh zah zo lovin a chhungte a kalsan ta a ni.
Unau zinga naupang ber tana pa chan nat tur zia hriatthiampuiin, Lawngtlai district superintendent of police Amit Goel chuan a duh chuan chawlh a lak theih thu hrilh mahse, he Police officer rinawm hian a pa thihna chu ram tana a mawhphurna hlen loh phah nana hman a tum der lo, "Ka pa chu a lo kir leh tawh dawn lo, Inthlan muanawm tak a thlen theih nana ka tihtur leh mawhphurhna chu rinawm leh dik takin ka hlen zawk ang e." tiin a senior chu a chhang ta zawk a.
"A tul a nih chuan inthlan zawhah chawlh chu ka la zawk mai ang e," tiin a chhang bawk.
Pa meuh han chan chu a tawrh atan na mahse, ram tana a inpekna chuan a mawhphurhna hlen turin chakna a pe a, a chhungte kalsan thei turin a pui zawk niin a sawi bawk.
Network that lohna leh Motor pawh luh lohna polling station -ah chuan information duh anga inpek a harsa a, chumi hunah ngei chuan Lapi hi Lawngtlai district hotute tan a pawimawh lehzual a. A inpekna vangin inthlan muanawm tak bakah District thuneitute'n information an mamawh ang an hmu zung zung thei bawk.
Tin, Inthlan hmasaa 55% vote tla kha, tun tumah erawh 64.70% vote a tla a. Hengte hi a ni ang officer rinawm leh mahni hnaa inpete thawh rah a ni a tih loh theih loh.
Henry L Khojol
(A hnuaia fakna hi lo hmet ve rawh.)
Sir, Adjutant-hi 3IR Mangaldoi,assam ah reite kan awm ho a ,a entawk tlakin Pathian a tih em em a. Kohhran lamah pawh a khaipa ber a ni . Hetianga mi entawntlak (ROLED MODEL) kan pute zinga an awm hi a van thlamuan thlak tak em .Pathianin a service leh zelna tur malsawm rawh se��
ReplyDeletePost a Comment
He post chungchanga i ngaihdan lo sawi ve rawh: