ZONUNMAWII - 6

((True Story)

BUNG--6 NA

By:- Rs Thangluah

Ka message dawn chu mak ti takin ka en a,ka awih lo hial zawk a ni. Msa hnen aṭanga ka dawn atan chuan a mak ka ti êm a tin ni;mahse,Msa message ngei a ni si;




"Amawite,ka bialnu i ni duh em?," a rawn ti deuh tawl mai a. Han chhan vak ngaihna pawh ka hre lo,Msa message chu ka chhiar nawn tlut tlut ringawt a. Chhan mai dan tur ka hre lo a ni,chhang ta lo chuan ka out san leh rih a. Rei vak lo hnuah ka lut leh a,Msa message chu a lo awm leh reng tawh a;


Pic: Lalhriatpuii




"Ka bialnu i ni duh em?," tih bawk a ni. Chhan dan tur a van vang ṭhin tak êm! Ka ṭhian ṭha ber chuan a bialnu atan min sawm a ni deuh ber mai si. Mahse,Msa hi misual a ni lo tih erawh ka chiang,ka bialpa atan pawm pawh ni ila ka tihsual ka ring lo a ni. Mahse,ka nunhlui engmah hriat a nei lova hriat tumin min zawt ngai hek lo. Min zawh ṭhin ber chu,Mizoramah khawi khua/vengah nge ka awm tih vel a ni. Uluk taka ka in ngaihtuah hnuah Msa message chu ka chhang ve ta;




"Hun tlemte tal min pe ve phawt la,"




"Tinge?,"




"In ngaihtuah nan hun tlem ka mamawh ve a,"




"Awle ka lo nghak ang che,"




"Immm a rei lo ang,"





Diktak chuan in ngaihtuah muk reng lova in thinharh ve chu ka duh ve takzet a ni. Msa chu ka tana ruat a nih ngei ringin ka pawm ve ta;mahse,"Min hmangaih suh aw,"a ti ta tlat mai. Hepa mizia hi chu a mak a ni,"Awle,ka hmangaih lo ang che,"ka ti thla ve ngawt a. Engtin tak awm chho zel tak ang i maw?






Msa nen chuan kan inkawp chho ta ngei a. Mahse,a bialnu treat in min treat khât khawp mai. Ṭhian kan nih lai ai khan min care lo in ka hria;mahse,engmah chu ka sawi ngai lem lova. A zawhna "I ṭha em?," tih erawh chu min zawt âwl ngai lo. In hmuh theih loh chu thuhran,kan awmna a in hlat em em mai si. Mahse,chuti chung chuan a tan ka rinawm ve em em ringawt mai a ni. Ani pawh ka tan a rinawm ang tih ka ring a a ni. In ngaizawng tam tak te tih ang bawkin Msa chuan a Facebook Account password chu ka hriat duh leh duh loh min zawt a,"Ka password i hre duh em? Keichu ka hre duh kher lo a nia aw,ka ring che a,"a ti a. "Aih a ngai lo,kei pawn ka ring che lawm,"ka lo ti ve mai a. Facebook-ah thlalak a upload reng rengin min tag ngei ngei ṭhin. Caption pawh a bei thlum thei khawp mai,kei pawn ka thlalak ka upload chuan ka tag hmaih ngai lo.





"Hlim taka awm reng turin ka duh che a,na turin ka duh lo bawk che. Chuvang chuan i thinlung kha min hlan lo la,min hmangaih suh ang che,"Msa message chu ngawi rengin ka en tlawk tlawk a. Chhan dan tur a van vâng ṭhin tak êm! Tinge ka hmangaih chu a duh loh tlat le? Hepa mizia hi ka hrethiam thei lo a ni.






Msa chuan min hmangaih lo tih ka hria. Mahse,a phâk tawk leh a thiam ang tawk chuan min ngaihsak ve ṭhin. Ka lakah a inthlahrung em em ṭhin a,min tihnat hi a hlau ngawih ngawih ṭhin. Hun thawl hek hawk kan neih hunah ka chanchin engkim chu ka hrilh tawh ngei ngei ang tiin ka rilru ka siam fel ta a. Ka chanchin engkim a hriat hnuah chuan min kalsan pawh nise ka dem lo ang. A chhan chu,ka nun hahthlak tak leh buai takah hian hnuh luh ve ka duh lo a ni.





Msa nen kan inkawp aṭang chuan kar 1 a ni tawh a. Ka chanchin hrilhna hun remchang chu ka hmu ta;mahse,ka van huphurh tak êm! Engtinnge min tih ang? Min dem viau ang em le? Nge min kalsan daih ang le? Rilru chu a buai map map khawp mai. Ka huaisenna zawng zawng sawm khawmin bul ka ṭan ta;




"Dear,hrilh tur che ka nei a,"




"Imm sawi la,ka inpeih e,"




"Nuthlawi ka ni ka tihkha chu i hre tawh tiraw?,"




"I ti tak tak mi a? A in tihderna chi loh nia aw,"




"Ka tihder lo che,ka chanchin hi engkim hre vek la ka duh a ni. Mahse,sawina hun hi ka nei lo thei lutuk a,"




"Sawi la,i nunhlui chu eng pawh lo ni se. Kalsan phah nan che hman ka tum lo a nia,"




"I chiang em?,"




"Imm chiang e,kalsan leh tur che in bul ka ṭanpui lo che,"




Ka van huphurh tak êm! Ka phone chu ka hum vang vang a,ka mit ka chhing vang vang a. Thâwk ka han la vang vang a,chumi hnuah chuan ka chanchin chu ka type ṭan ta a.






Msa chuan ka message zawng zawng chu a chhiar tawh ngei ang. Mahse,a chhanna ka dawng har khawp mai. Min chhang tawh dawn lo emaw ka tih hnuah,a chhanna ka dawng ve leh ta nawlh mai;




"I pa hi ka hua,ni lo i pa a ni lo. Ramhuai a nihkha,"




"Tun thleng hian ka la nâ a sin. Ka hma hun zawng zawng min tihchhiat sak a,"




"Lungngai suh Pathianin phuba chu a la la em em ang,"




"Ka tan i awm reng ang tiraw?,"




"Aw i tan ka awm reng dawn lawm,"




"Ka lawm e ka lawm lutuk e,"




"Ngaihzawng te nen inkarah lawmthu an sawi ngai lo. In enkawl ṭha ang che aw,"




"Awle nang pawh aw,ka lo haw veleh kan inhmu dawn nia aw,"




"Awle tehreng mai;mahse,min hmu duh tak tak ang maw?,"




"Duh e,ka hmu chak tawh khawp mai che,"




"Mahse,ka lian lo a nia😝,"




"Ho lutuk,nih i san zawng engnge?,"




"Nhaaa zahthlak,"




"A ho ee,"




"5'2 nia...hihi,"




"Kei aiin i tawi ni ni maw?,"




"Sual e mai aw,"




"Tak takin i tawi chhe lo,kei chu 5'5 ka nia. Kei aiin i upa tho lawm,hehe,"




"Nia ni tawh mai rawh se,chuan thil ṭha lo engmah tih awih loh aw,"




"Awle tehreng mai,nang pawh aw,"




"Imm awle2,"





Msa chuan ka chanchin lungchhiat thlak tak a hriat hnuah pawh min kalsan a tum lo. Min kalsan aiin duat takin min chhawmdawl chho zawk a,ka tan chuan a van hlu tak êm! A theih ang tawk leh a thiam ang tawkin thu ṭha te min hrilh a,beidawng lo turin min hrilh ziah ṭhin bawk. A nun aṭang hian thil tam tak ka zir chhuakin ka hria,min hmangaih lo mah se,min ngaihsak dan a nep chuang lo. Ka tan a awm reng ṭhin a,ka rilru a nat chang leh ka thinrim hunah a bulah chuan ka inbun ruak ṭhin.





Msa nen kan inbiak chuan ka hlim ve em em ṭhin. Mahse,ka nu nen kan inbiak chhunah erawh chuan ka mood a off vek zel. Ka nu nen chuan inbe ve ṭhin mah ila,inhnial leh inhauh a ni zel mai si. Ka fanu min enkawl saknaah erawh chuan ka lawm a;mahse,ka chunga thil thleng ang kha a chungah a thleng ve ang tih chu ka hlauh ber a ni. Chu thil chu ka fanu chungah a thlen lohna turin Pathian hnenah pawh ka dil mawlh mawlh ṭhin.





Zan khat chu ka nu nen kan inbia a,kan inhau nasa khawp mai. Ka fanu chu ka bula awm turin ka dil a;mahse,phalsak ka ni lo. Ka nu chuan ka fanu chu a lo vaw ṭhin tih ka hriat phei chuan ka nâ a ni. Ka fanu chu ka enkawl phakah a awm si lo,ka awmna aṭang lahin duh duh huna zin chhuah theih a ni bawk si lo. Remchang a awm hmasak ber hunah India ramah ka haw ang a,ka fanu chu engti kawng zawng pawh a lak chu ka tum a ni.





Bath room-ah ka tlan lut a,ka thâw chu a tawt vek ni maiin ka hria. Ka thaw hlawp hlawp a,mahni leh mahni intihnat chu ka rilruah a lo lut a. Chemte ka la a,ka kutphah chu ka zai kak ta a a thi nghal zawih zawih mai a. Ka taksa na aiin ka rilru nâ chu a nasa zawk a ni,ka hun liam tawh a thil thleng chuan ka ngaihtuahna a rawn luah leh ṭan a. Ka ngaihtuahna chu a buai a ni,ka depression neih chu a rawn chhuak leh a. Bath room-ah chuan rei tak hun ka hmang a,thisen nen chuan ka in chiah piah nuai mai a. Ṭah chhuak tak chungin ka ṭap thei lova,ka âwmah chuan eng emaw hian min hnawh a ni. Rei fe hnuah chuan ka in thingharh thei ta hram a,ka kut pawh chu ka silfai a damdawi te ka hnawih hnuah chuan ka tuam a. Ka khumah chuan ngawi rengin ka ṭhu a,ka Phone pawh ka ngaihsak peih lo a ni.






Ka phone ka en chuan Msa message chu a lo awm leh ṭeuh hman tawh a;




"I van reh em em,i ṭha meuh maw?,"




"Tinge i reh em em a? I hnaah i buai deuh mi? Mahse,i buai dawn pawn min hrilh ziah ṭhin sia,"




"Amawite,i ṭha em?,"




"Eng emaw tal chu rawn sawi ve la,"




Msa message chu ka chhang nghal a;




"Tihpalh lutuk,zanin chu ka mood a fuh lo lutuk a. Mahse,ka ṭha nia aw min ngaihtuah suh,"




"Hmeichhe ho chuan in ti ziah lawm. In ṭhat lai hi in ṭhat loh lai ber a ni ṭhin. I chungah engnge thleng a?,"




"Ka ṭha tak tak lawm,"




"Hmeichhia zawng zawngin dawt inang in sawi ṭhin chu,in ṭhat loh lai reng pawn 'Ka ṭha lawm min ngaihtuah suh' in la ti ṭalh zel hi a ni. Â lutuk mai,ka ngaihtuah loh che in tunge ngaihtuah ang che,"




"Ka tihpalh lutuk,"




"Tihpalh tih pawh a ngai lo,i chungah engnge thleng min hrilh rawh,"




"Ka nu nen kan inbia a,kan inhnial a,"




"Chuan,engtin?,"




"Ka fanu kha....,"




"Ngatinge? A chungah engnge thleng a?,"




"Ka nu in a lo vaw ṭhin a,ka na takzet a ni. Ka fanu hi ka bulah ka hruai a ngai a ni,"




"Amawite,..."




"Immm...,"




"I ṭha tiraw? I lamah ka ṭang zel ang tih ka tiam a che,"




"Imm i kiangah chuan ka ṭha e,ka lawm e aw. Ka hmangaih che,"




A vawikhat na turin ka sawi ve ta,keimah ngei pawn mak ka in ti a ni. 'Min hmangaih suh' tia thu min pe tu chu ka hmangaih ta si a. Msa chuan min reply har khawp mai,ka thilsawi avang chuan a thin ka ti rim a ni ngei ang. A hnu feah chuan min rawn chhang ve leh ta hram a;




"Lawmthu sawi tawh suh ka tih kha,in enkawl ṭha la chak takin awm ang che. I fanu tan chak taka i awm a ngai nia,"




"Ka hria lawm,ka kiangah i awm chhung chuan ka tlu ngai lo ang,"




"Ka kianga i awm loh hunah pawh i tlu tur a ni lo. I kianga ka awm theih loh hun a lo thlen hunah pawh,chak taka i awm a ngai nia,"




"Tinge? Ka hlatah awm i tum a mi a?,"




"Tunah chuan tum love;mahse,loh theih lohna avangin i hlatah ka awm hun a la thleng ang. Chutih hunah chuan chak tak chhel tak leh chak takin i awm a ngai a nia,"




"Awle ka hrethiam e,"





Msa chuan a bialnu a nihna anga a mawhphurhna chu a hlen chhuak kim thawkhat viau a. Mahse,min hmangaih thu erawh min hrilh ngai lo,min ngaihsak dan aṭang hi chuan min hmangaih ve tho chuan ka hria a. Mahse,ka ring ngam chiah bawk si lo,ka rilru chu a tibuai ve ṭhin khawp mai. Eng emaw avanga lo inṭhen ngai thut pawh nise,min ngaihsak hi a bansan ka ring lo a ni. A chhanchu,ngaihsak leh duat mamawh ka ni tih a hre tlat a ni.





Hun a liam ve hret hret a,Msa nen kan inkawp na pawh thla 1 a lo tling ve ta reng mai. Msa chuan min ngaihsak em em reng a,a lakah hian lungawi lohna zawn tum mah ila ka hmu lo a ni. Keimah zawk hian ka ngaihsakin ka duat thiam lo zawk ṭhin a ni. Chuti chung chuan ka lakah vuina tur a zawng ngai lo,chhun lamah hah takin hna a thawk a. Zan lamah a hun tlemte neih chhun chu ka tan a hmang ṭhin;mahse,min hmangaih thu erawh a la sawi lo. A rukin ka beisei a,ka phût ve ṭhin. Mahse,ka phût sang mah mah tih erawh ka hai lo a ni. Min ngaihsakna ringawt pawh hi ka tan chuan a tawk lutuk tawh a ni.




"Amawite,i buai em?,"




"Buai vak love,engnge ni ta?,"




"Ihmaw....,"




"Immm sawi la,"




"Sawi duh ka nei a,"




"Aw sawi la,"




"Ṭhian kan nih lai ang khan awm leh zawk ila,"




Msa message chuan min van ṭhawng tak êm! Ka thinphu chu a ri nghal dut dut in ka hria,engtia chhan chi nge ni ang? Ka na ve det mai;mahse,tih lan erawh a rem lo;




"Min kalsan i duh a mi?,"




"Ka bialnu ni tawh lovin ka ṭhian ni leh mai rawh aw. A chhanchu,ka rilru ka pe thei tak tak lo che a ni,tihpalh lutuk aw. Ka lakah i thin a rim pawn ka dem lo che,"




"Ka hmangaih hman tawh che a sin,"




"Min hmangaih suh,natna siam saktu mai che ka nih hi,"




"Hmangaih tawh loh che ka lo tum dawn nia. Mahse,khang hun zawng zawnga min ngaihsakna leh min fuihna avang khan ka lawm lutuk a nia aw,"




"Ka tihpalh aw,ka sual ngawt mai tiraw?,"




"A pawi lo ka hrethiam che lawm,ani kha ila hmangaih a ni tih ka hria lawm. Nuam lo ti duh suh,ka ṭhian ṭha tak ila nih chu ka phalsak hram ang che,"




"Ni lo e chutiang a ni lo,i nun hi tihchhiat belhchhah ka duh lo a ni,"




"Ka tan ṭhian ṭha tak i ni reng thei ang tiraw?,"




"Aw i tan ṭhian ṭha tak ka ni reng ang,"




"Ka mamawh hunah ka koh theih turin i awm reng thei ang tiraw?,"


"Imm thei ang,"


"Awle nihchuan zanin aṭang hian i bialnu ni lovin,i ṭhianṭha tak ka ni leh ang,"


"Awle ka lawm e,ka ṭhian,"


"Ṭhian leh ṭhian inkarah lawmthu an sawi ngai lo. Ka mut san phawt ang che aw,muttui phawt aw Bestie,"


"Imm awle muttui le."