ZONUNMAWII - 5

(True Story)

BUNG--5 NA

By:- Rs Thangluah

Nicky nen chuan kan inzui nghet ve tawh khawp mai. Ka chanchin lungchhiatthlak tak erawh ka la hrilh ngam lo a ni. A hriat hunah engtin tak ngai ang maw? Ani chu ka tan a inpe zo em em a,ka tan engkim a huam a min ngaihsak em em ṭhin bawk. Chung zawng zawng avang erawh chuan ka phú lo takzet zet a ni.



Pic: Lalhriatpuii
Zirtawpni a ni a,ka nu nen kan inbia a kan inhnial nasa khawp mai;


"Aw Hello,Nu,"
"I damṭha em?,"

"Aw damṭha e,nangni in damṭha zawk em? Bawihtei a damṭha em?,"
"Aw damṭha e,thla tharah hian pawisa rawn thawn tur i nei thei ang em?,"

"Aaa Nu,ka hre lo le ka lo ngaihtuah dawn nia,"

"Ngaihtuah dawn nia tih pawh a ṭul lo. I rawn thawn loh chuan i fanu hian a tuar zel ang,"

"Awle,thla thar hlawh lak veleh ka rawn thawn dawn nia,"

"A ṭha e,ka dah dawn nia,"

"Imm aw awle,"

Ka nu mizia hi mak ka ti ṭhin,tinge heti em em hian a nun a rawng le? Ka pahrawnin ka chunga a thil tih ka ngaihtuah let phei chuan ka na thar leh ṭhin. Thildang engmah ngaihtuah lêk lova phuba lak hi ka thil châk ber a ni fo ṭhin. Mahse,kha ramhuai pa kha ka nu in a hmangaih em em si a. Ka nu hlimna chu tihchhiat erawh ka duh bik lo a ni,ani bak he khawvelah hian nu ka nei si lova. Mahse,khawvela ka nu ti a ka chhal ve chuan a fanu chu hrehawm taka awm turin midang hnenah min hnutchhiah lawi si. Hun liam tawh chu theihnghilh tum viau ṭhin mah ila,he ka hriatrengna aṭang hian awlsam taka nawhreh mai theih a ni si lo. 

Nicky nen pawh chuan kan hlim dun dawn viau emaw ka ti a. Mahse,vanduai tur reng a khuanu ruat ka ni ngei ang. Nicky pawh chuan mal taka hringnun kawng zawh turin min kalsan leh ta si. Ka nâ a ni,ka na takzet,ka neihchhun ka fanu lah chu ka bulah a awm thei si lo. Ka unaupa neihchhun John lah chu khawiahnge a awm tih pawh ka hre si lo. Min hringtu ka pa lah eng ang mi nge a nih a? Engnge a hming? Engang hmel pu nge a nih tih ka hre si lo. Ka tan chuan khawvel hi a thim mup a ni ber mai;tichung hian hma lam ka la pan ve ṭang ṭang chu a ni si a.

Mizoram lama ka ṭhian chhar thar Msa lah chu a Phone chian loh avangin kan inbe hlei thei si lo. Ka nunram chu a châu a ni,ka fanu chu ka ngai em em ṭhin. Engtinnge a rawn ṭhan len chhoh ang? Ka nu thlazar hnuaiah chuan lungmuang takin a awm thei ang em? Ka thinlungah chuan zawhna chhan sen loh tam tak a rawn lut mawlh mawlh a. A tawpah chuan ka nunhluiah bawk ka tâp lut leh ṭhin,ka chunga thil thleng avang chuan mahni inkhawngaihnain ka khat a. Ṭhiante hriat loh leh hmuh loh laiin a rukin ka ṭap fo ṭhin,Pathian pawh ka dem ta hial reng a,"Hetiang em em a vanduaia piang tur hian tinge min siam bik? A duh loh zawng thil tih ka nei zawk em ni le?,"tiin Pathian hnenah ka vui ṭhin. Mahse,Pathian hnena vui chuan hlawkna engmah a nei lem lo a ni.

Thla 1 chhung tehmeuh Msa nen kan inbiak tawh loh hnu chuan,Mizo dang ṭhian ka chhar belh nual mai a. Mahse,Msa anga nél leh rin erawh ka nei lo a ni. 

Thla 1 hnuah Msa pawh a rawn lang leh hlawl mai. Phone thar a neih thu te chu min rawn hrilh nghal luam a,ka lo hlimpui ve khawp mai. Phone thar a neih takah chuan,a hma ai chuan tlemin kan inbe zing ve deuh ta. Mahse,keimah zawk hian hun ka nei lo ṭhin a ni. Chhun lamah hnaah ka kal a ngai a,zan lamah nise ka meng rei hman ṭhin si lo. Kan awmna a inang bawk si lo,kan hun leh ni chhiar dan pawh a danglam ṭhin khawp mai. Keini awmna lamah zing khua a var dawn hi chuan,India lamah chuan an la muhil bawrh bawrh thung ṭhin si. Msa nen chuan ka hunawl neih chhun chhunah kan inbe ṭhin a ni.

Vawikhat chu Msa nen chuan ngaihzawng lampang kan sawi nasa khawp mai a;

"Hi...i buai em?,"


"Buai love,i buai lo ve tho mi a?,"


"Imm buai loh lai tak a ni,i damṭha maw?,"




"Imm damṭha e,nang zawk?,"




"Aw dam ve ṭawk ṭawk e. Mahse,zan lamah ka muhil ṭha thei lo ṭhin a,"




"Nihchu zia lo ve aw,e chuan in zawh chi a ni nge ni lo chu ka hre lova. Mizoram lama rawn haw te hi i tum rih lo mi??,"




"Tum ve deuh tho a,dama Pathianin rem a tihchuan nakum lamah,kum tawp lamah chuan ka tum deuh a,"




"A ṭhat nasat chu,kan inhmu ve thei ang a,"




"Nia,hmuh i châkawm tawh khawp mai,"




"Nang deuh a lawm,tunlai Nicky nen in ṭha maw?,"




"Aih ṭha chiah lo,kan inṭhen daih a,"




"Zia lo ve aw,"




"Nia mahse,pawi lo ho lutuk. Ka chau deuh a,ka mutsan mai ang che aw,muttui phawt,"




"Awle muttui le,in enkawl ṭha la aw,"





Msa message chu ka reply tawh lova. Mahse,ani anga min ngaihsaktu ṭhian erawh ka nei lo a ni.  Mizorama ka haw hunah chuan hmuh ngei pawh ka tum a ni. Mahse,ka haw tum hunah hian ka haw thei lo ang tih erawh ka hlau khawp mai.





Thla thar hlawh lak veleh ka hlawh ṭhenkhat chu ka nu hnenah ka thawn ta a. Mahse,ka nu hian lawmthu min hrilh ngai lem lo,thla tin pawisa thawn reng ṭhin mah ila lawmthu min hrilh ngai lo a ni. Ka fanu chu ka ngâi ṭhin khawp mai,engtinnge a nun kawng a hman ve tih lah ka hre si lo.





Ni leh thla a liam a,kum meuh a lo vei ve ta. Ka fanu thlalak pawh ka nu in min lo thawn a,ka van hlim tak êm! Ka khawih phak leh ka hmuh phakah awm lo mah se,a damṭha tih ka hriatin ka hlim a ni. Remchang hmasa berah ka ṭhianpa Msa bulah ka chanchin zawng zawng hi ka la hrilh ang tiin rilru ka siam ta a. A chhan pawh in sawi thâwlna tur ka mamawh takzet zet a ni,mahnia tawrh tlawk tlawk zawng a hahthlak êm a tin ni.





"Anu,kan Sikul thar chu a nuam lutuk a sin,"tiin ka fanu naupangte chuan nui vur vurin min lo kuah a. "A ni maw? Nihchuan,sir te thu i awih em?,"ka lo ti nghal vat a. A lu a bu nghut nghut a,"Imm awih chiang e,nangman awih turin min tihkha. I thu ka awih zel dawn a lawm,"a ti a,a nui ver ver a. Ka fanu hlim hmel chu ka thlir ning thei lo a ni,ka neihchhun ka fanu ka rohlu a ni miau si a. 





Mahse,ni lo ni lo,ka fanu kha khawnge? Nichin lawk khan kan inkuah a sin,kha thil thleng kha ka mumang lek maw lo ni a?! Ka mu chu ka ṭhu chhuak hlawl a,lungchhe takin insûm karna pawh awm lovin ka ṭap nghal hawm hawm mai a. Ka fanu chu ka mumangah chiah ka kuah phâk si a;mahse,ka tan chuan mumang mai mai pawh ni se a hlimawm takzet a ni.





Msa nen pawh a hma aichuan kan inbe regu ta deuh e. Mahse,hna nei ve ve kan nih avangin kan buai ve thei khawp mai. Kan hunawl neih chhunah erawh kan inbe lo ngai lo. Msa chu ka tan ṭhian ṭha ber a ni a,kan inbiak pawn a hmingin ka ko ngai meuh lo. Bestie tiin ka ko mai ṭhin,ani pawh chuan Bestie tichuan min ko ve leh nulh ṭhin. Ani nen kan inbiak tawh hi chuan ka hlim ve em em mai ṭhin;mahse,ka nunhlui zawng zawng leh tuna ka dinhmun pawh hi a hriat hunah engtinnge min ngaih ang? A ṭhianṭha tak angin min la chhâl duh ang em? Ka rilru chu a hah ve takzet a ni. Inrinni a ni a,nidang aiin ka hna aṭangin ka haw hma a. Msa pawh nidang aiin a lo bang ve bawk a,ka rilru ka siam fel a. Msa bulah chuan engkim hrilh ka tum ta a;




"Bestie,i buai viau em?,"




"Aaa buai viau lutuk love.  Insuk tur tlem ka nei a,nge ni ta a? I ṭha maw?,"




"Imm ṭha e,nihchuan insu phawt la i insuk zawhah thil ka hrilh dawn che nia,"




"Tunah pawh sawi tho la,"




"Aaa insu phawt zawk rawh,i tlai lutuk palh ang,"




"Awle a nih kan insu vat vat a nge aw,"




"Awle hmanhmawh suh aw,"




"Immm awle,"





Msa hi chuan min hre chiang ve thawkhat tawhin ka hria. Kan inbiak apiangin,"I ṭha em?,"tih hi min zawt ziah ṭhin. Ka tan chuan miṭha tak a ni a,a tan erawh engnge ka nih ka hre ve lem lo a ni.





A insuk zawh chuan min rawn text leh nghal a;




"Ka zo e,min hrilh tur chu..hihi,"




"I inpeih maw?,"




"Immm peih e,ka inpeih at tawh e,"




"Mahse,i thinrim lo ang tih min tiam phawt rawh,"




"Awle ka tiam nghal e,"




"Ihmaww...,"




"Imm...,"




"Iiiihh...eng lo...nuthlawi ka nia,"




"Maw? Dawt min hrilh lo mai teh aw,"




"I awih ka ring lo reng a ni,"




"Tak takin a in tihderna chi loh e mai aw. Zonunmawi,"




"A ni tak tak lawm,nakinah engkim ka la hrilh ang che. Kan inbual ve lawk nge aw,"




"Awle,fai deuhin aw,"





Msa message chu ka reply tawh lova. Inbual turin Bath room lamah ka lut nghal a,thil tam tak ka ngaihtuah a. Msa hian engkim a hriat hnuah a ṭhian ka nihna a ṭangin min thlahthlam ta se,engtinnge ka awm ang? Ka ṭhianṭha ber leh engkim ka thlen ngamna a ni ve si a. Huihammm rilru a van hah tak êm!! Mahse,engkim ka hrilh a ngai a ni,engpawh tawkin hmachhawn dawn pawh ni ila ka hrilh ngei a ngai a ni.





Msa hnen aṭanga ka message dawn chu mak ka tiin ka awih lo hial zawk a ni. A bialnu nen an inṭhen thu min hrilh a ni;




"Bestie,i buai em?,"




"Buai tawh lo chiah chiah e,engnge ni ta?,"




"Ka bialnu nen kan inṭhen a,"




"Ni maw? Zia lo ve,engnge a chhan? Ka hriat ve a rem em?,"




"Aman min ṭhen a,ka facebook account-ah a lo lut a. Hmana ka hmeichhe biakna a lo hai chhuak a,a thinrim thar leh a,"




"Khai aww,zia lo hle mai. Mahse,i thiam loh pawh a nih loh chu,"




"Nia mahse,ka na ve khawp mai,"




"Ka hrethiam lutuk che nia,i tan ka awm reng a nia aw ka ṭhian,"




"Imm ka lawm lutuk e aw,bialnu pawh ka nei tawh lo ang,"




"Tikhan ti lo la,hmeichhe pakhat vangin in dawmkun suh,"




"Ni e,awle ka out rih phawt ang aw. Mahnia awm rih ka duh,"




"Thil ngaihtuah vak vak lo la aw,"




"Awle tehreng mai,nihphawt aw min ngaihtuah a ka lawm lutuk a nia,"




"Imm inenkawl ṭha ang che aw,"




"Awle2,"





Msa chu ka khawngaih reuh khawp mai. Ka thil hrilh tur pawh chu hrilh lovin ka tlingtla leh ta,a rilru nat laia thildang lo hrilh chu ka ngaih a ngam lo a ni. Nakinah hun thawl zawk a awm leh mahna tiin ka inhnêm ta rih a. Msa hi ka hriat dan chuan,bialnu te care thiam tak a niin ka hria. Lerh erawh a lerh ve hret tih chu ka hai lo;mahse,a lerh ang ai hian bialnu a kawp ngai lem lo. A fel lehna em em pakhat chu a ṭhiante chu tu pawh ni se,a thlahthlam ngai lo. Ṭhian ngaina mi tak a ni a,mi tu pawh a ring nghal chawt mai ṭhin. Chumi avang erawh chuan bumin a awm leh zauh ṭhin. Mahse,mi a rin nghal tawpna mizia hi a la bansan hleithei chuang lo a ni.





Huiham! A van buaithlak ṭhin tak êm! Ka thla tin hunbi neih chu a rawn buai leh ta,a hun takah ka period thei ta lo. Thla 2 chhung ka âwl tawh a,a ṭhat veleh mai beiseiin Damdawiin lamah pawh ka kal duh lem lova. Mahse,tun ṭum kal a ngai leh nge nge dawn a nih hi. Peih lo tak chungin ka hnathawhna hmun aṭang chuan Damdawiin lama kal turin ka chhuak ta nge nge a. Damdawiinah chuan Doctor chuan check ngai ang ang min check zawh hnuah damdawi min chawh a. Rei pawh awm lovin ka haw leh nghal a,Damdawi chu min chawh hnem khawp mai. Keimah hi Damdawi dawr ka ni ringawt maiin ka hria.





In ka thlen chuan ka Phone chu ka bih nghal vat a. Msa message chu a lo awm leh reng tawh a,ka reply nghal vat a;




"Bestie,i buai em?,"




"Ka haw ve chiah a,buai love. I ṭha maw?,"




"Imm ṭha e,i chau em?,"




"Chau love,vawiin chu ka in check up a,"




"I damṭha lo mi a? I engnge na a?,"




"Iiih hmeichhe lam natna a nia,hihi,"




"E aw ka hrethiam e,i ṭha meuh maw?,"




"Aw ṭha e,damdawi te min chawh a. Chutianga dam lo em em pawh ka ni lo,"




"I lo in zep te hi a ni lo maw?,"




"Aih a teuh lo lutuk a,nang zawk i lo ṭap pur lo maw?,"




"A teuh lo mai a,hmeichhia vang mai maiin ka ṭap lo ang,"




"A ṭha hmeichhe 1 vanga ṭah chu a pa lo e mai,"




"Dik chiah mai,ka ṭap dawn lo hrim hrim,"




"Ee ka lo zai sak ang che aw,ka zai i ngaithla duh em?,"




"Aw a pawi hleinem,"




Voice message in ka zai ta ûl ûl mai a. Hla 1 chu ka sa zo ve ta reng mai,;




"I zaithiam lutuk chuan,i hla sak pawh hi a nalh lutuk,"




"A ni maw? Ka van lawm em em,"




"Immm tak tak,i zaithiam lutuk,"




"Ka lawm e,nidangah pawh ka zai sak thei reng che a nia aw,"




"Imm ka hre reng ang,ka lunglen apiangin ka zai tir ṭhin ang che. Mahse,i peih reng dawn mi?,"




"Ka ṭhianṭha ber tan chuan peih reng e,"




"Yess ka van lawm,"






Msa nen chuan kan inkawm chho zel a,a hma aiin kan innêl a. Inbiak pawh kan inbe nasa khawp mai;mahse,a chang chuan a bialnu hlui kha a rawn sawi chhuak leh zauh ṭhin. Ka khawngaih ve thei ṭhin khawp mai,bialnu neih tawh loh a tum erawh chu ka pawm sak lova. Rei fe chhung chu bialnu nei lem lovin a awm a;mahse,hun leh ni a liam a. Ngaihzawng tur chu a hmu leh mai a;mahse,a ngaihzawng neih dan erawh a kal pah mai mai niin ka hria. A rilru na tihdam tumin a bei mek a,kei lah hian ka hnem thiam lo ve bawk si a.

icky nen chuan kan inzui nghet ve tawh khawp mai. Ka chanchin lungchhiatthlak tak erawh ka la hrilh ngam lo a ni. A hriat hunah engtin tak ngai ang maw? Ani chu ka tan a inpe zo em em a,ka tan engkim a huam a min ngaihsak em em ṭhin bawk. Chung zawng zawng avang erawh chuan ka phú lo takzet zet a ni.

##A hnuaia fakna hi lo hmet ve rawh.##