Teddy Sailo - Ka duh che chuan a tawk March 16 ah

Aizawl | March 15, 2019: Tunlai ṭhalaite lawm hlawh leh ngainat Teddy Sailo chuan music video 'Ka duh che chuan a tawk,' chu March 16, 2019 hian Youtube ah a tichhuak dawn.
- exploremizoram.com

He music video hi a aitechhinna second 30 vel chauh youtube lamah an tichhuak a, mi lawm a hlawhin ṭhalaite WhatsApp/Facebook status leh Instagram story luahtu ber a ni.
- exploremizoram.com

He hla hi  Teddy Sailo leh Mama Chhakchhuak in an phuah niin, music hi Rochana (NoFutureMusic) kutchhuak a ni.
- exploremizoram.com

Recording hi Mapuia Records, Champhai Venglai a ni a. Video hi Lalbuatsaiha BSa (BS Pictures) kutchhuak a ni.

Music video ami screenshot

He music video ah hian Folina Chongthu,  Teddy Sailo, Alice Rintluangi leh Awmpui Thinchhia te kan hmu a. A hmuhnawm a, a changtute hmuh an nuam a, en reng a awl hle.

- exploremizoram.com

He video buaipui tur hian tha leh zung an seng nasain, hun a hah hle a.
Sihhmui, Phunchawng, Zarkawt, leh K-Mart ah te an chang a ni.

Teddy Sailo chuan,"He video hi BS PICTURES kutchhuak a ni a, He video hi Pu Mahlimpuia, Tourist Lodge Champhai in a sponsor a ni. Video shoot chhung hi rei lo viau mahse, a hmun tlema a hautak avangin a hahthlak ve reuh em em a, min puitute zawng zawng chungah ka lawm em em a ni." tiin  exploremizoram.com a hrilh.

- exploremizoram.com

"Soundtrack siamtu Rochana (NoFutureMusic) pawh hian uluk takin a siam a, dawhthei tak leh a mawi loh hlau in vawi tam tak a siam tha hial a ni. He video phena inrawlh tam tak te hnenah lawmthu ka sawi mawlh mawlh a ni." tiin lawmthu a sawi bawk.

- exploremizoram.com