MIZO FILM THAR TUR 'NORAH' CHU SHOOTING ZAWH FEL A NI TA

 

Aizawl | March 28, 2019: Mizo Film Industry ti film industry-tu leh sulhnu tha tak tak Mizote leh Mizoram tana hnutchhiah tawhtu leh hnutchhiah mektu Leitlang Pictures Production siam Mizo film 'Norah' chu chan zawh fel a ni ta. Tunah hian Post production hna ngawrh taka kalpui mek ani a, Editing bakah background scoring (music) leh visual effects lam te khawih mek ani a, chuvangin Release ni tur hi ala chiang lova mahse April thla laihawl vela release hman tumin hma lak mek a ni.

 

- www.exploremizoram.com

He Film hi  thla thum chuang ngawrh takin shoot a ni a. He film story/script hi Kum 1935 a Samuel Hopkin Adams ziah 'Night Bus' short story atanga her rem leh phuah belh a film puitling script a siam a ni a, Mizo rilrem tur leh kan society mil tur zawnga  siam rem a ni. Script leh screen play hi Mimi Lalnunfeli leh Mapuia Chawngthu  te siam a ni.

- www.exploremizoram.com

A Film story hi  Minister fanu duat sual tlanbovin a kal kawnga thil tamtak ala hriat ngai loh a tawn leh inthawnharh dan bakah khawvel kalphung azir chhuahdan te leh a zinkawnga hmangaihtu tlangval fel tak tak a chhardan chanchin te ani a.

 

He film hi Romantic Comedy genre a sengluh theih a nih rualin Drama, leh Action pawh hmuh tur a awm dawn a, mi tin mil tura siam a ni bawk. Mizo Society ah chhungkuaa Tv enho thin leh Seating room a TV dah thin kan nihna hre rengin a film siamtute hian  naupang atanga puitling thleng pawhin en theih tura buatsaih a ni. A film sei zawng hi darkar 1 leh chanve atanga darkar 2 inkar tura ruahman a ni.

 

         Mapuia Chawngthu (Leitlang Pictures) hi Director niin Camera & Editing a khawih tel bawk a, Director of Photography hi Vanropuia Pachuau leh Malsawma fanai(M Space) an ni, Costume Designer/stylish hi Mizoram huap pawh designer lar 'Magic N' Lunglei (Numami)  niin ani hian changtunu hak tur bik liau thawnhnaw engemawzat bakah mo kawr thleng a design vek a ni, makeup artist hi Mawitei a ni.

- www.exploremizoram.com

  

He film ah hian hmelthar tam tak hmuh tur a awm dawna chutih rualin film lama kan hmelhriat sa leh lar sa pawh hmuh tur an awm leh dawn a ni. 

 

Norah role play tu ber Esther Lalrinpuii Chawngthu hi lunglei nula niin, Mizoram Thalai Kristian Pawl (MTKP) film siam,  "Where" (Human Trafficking film) ah khan a chang ve tawh a,tin a leading actor hi Isaak Chhakchhuak ani a, ani hi Damna kim film a ah khan lo chang tawhin zaithiam Bethsy Lalrinsangi nau a ni. C.Lalremsiama (Latea) hian Home Minister role a play ve thung a, ani hi Love Bethel film ah khan alo chang tawh ani. Opposite party MLA role turu deuh mai hmuh tur a om dawn a, chu role chu Joe Chhangte in a rawn play ve thung a, ani hi film lama a vawi khat lanna tur a ni.

- www.exploremizoram.com

 

Heng bakah hian Awmpui thinchhia Siamtea, Papuia Pachuau, Mimi Lalnunfeli, David Lalzawmliana (Zaithiam)  leh Jonathan Lalmuanpuia (Mr. Mizoram India 2019) te pawn role pawimawh tak an play a ni.

 

         He film hi  CK HYUNDAI Produce niin Film Budget pawh a tlem lo hle, Shoot hau tak leh harsa tak tak a awm nual a,shooting naa inhliam pawh an awm a ni. Shooting na hmun hi Lunglei leh a chhehvel bakah lawngtlai leh khaw dangahte neih a ni.


- www.exploremizoram.com

He film ah hian mi lang an tam hle a. Leading role atanga minor role a tel hi mi 40 vel lai an ni. Mipui lan tamna scene thenkhat phei chu Salvation thalai pawl leh Home league te ruaiin shoot a ni bawk. A changtu tam zawk hi Lunglei mi an ni a, chutih rualin Aizawl, Kolasib, Thenzawl bakah khaw dang atanga tel pawh an awm nual. Tin, Heng a changtute hi screen test  paltlang a uluk taka thlanchhuah vek an ni.

 

        He filmah hian Mizo film danga la awm ngailo hmuh tur a awm nual dawn a, scene thenkhat ah hian  VFX/Visual effects pawh hmuh tur a awm dawn. Sound & Light lamah pawh Norah ah hi a nep dawn lo hle a ni.

 

- www.exploremizoram.com